एमालेको १० औं महाधिबेशनका लागि दोलखाबाट सबै प्रतिनिधि सर्बसम्मत

दोलखा २६ कात्र्तिक
नेकपा एमालेको दसौं महाधिबेशनका लागि दोलखाबाट सबै प्रतिनिधिहरु सर्बसम्मत चयन भएका छन् ।
महाधिबेशन प्रतिनिधि छनोटका लागि शनिबार चरिकोटमा कार्यकर्ता भेला आयोजना गरेको अघिल्लो दिननै सबै महाधिबेशन प्रतिनिधिहरु सर्बसम्मत चयन भएका हुन् । नेकपा एमाले दोलखाका अध्यक्ष इश्वरचन्द्र पोखरेललका अनुसार आकांक्षी उम्मेदवारहरुको सहमतिमा सबै प्रतिनिधि निर्विरोध सर्बसम्मत ढंगले चएन गरिएको हो । सर्बसम्मत चयन भएका महाधिबेशन प्रतिनिधिहरुमा खुलातर्फ ईश्वरचन्द्र पाखरेल, डबल पाण्डे , भरत प्रसाद दुलाल, कृष्ण भुजेल र हर्क पाख्रिन छन् । त्यस्तै दलित तर्फ शुन्दर लामिछाने र टेक बहादुर घतानी रहेको निर्वाचन समितिले जनाएको छ । भुगोल तर्फबाट बालकृष्ण शिवाकोटी, भरत बहादुर केसी,नर बहादुर श्रेष्ठ, जिबस खड्का,हेमन्त चौलागाई, मित्र जिरेल, धन बहादुर तामाङ, ठुला थामी र शुभ शेर्पा चयन भएका छन् ।
महिला प्रतिनिधि तर्फ शान्ति पाख्रीन, कालिका पाठक, गाएत्री आचार्य , शान्ति कुमारी तामाङ, कमला बस्नेत , उर्मिला थामी र गोमा केसी चयन भएको अध्यक्ष इश्वरचन्द्र पोखरेलले जानकारी दिए । अध्यक्ष पोखरेलका अनुसार शनिबार सर्बसम्मत निर्वाचित भएका सबै महाधिबेशन प्रतिनिधिहरुलाई निर्वाचन समितिले प्रमाणपत्र हस्तान्तरण गर्ने र अन्य औपचारिक कार्यक्रम नहुने जनाएका छन् । दोलखा एमालेमा १५ हजार ५ सय २३ जना संगठित सदस्य छन् । संगठित सदस्य संख्याको आधारमा २३ जना महाधिबेशन प्रतिनिधिका लागि ६९ जनाको मनोनयन दर्ता भएको भएपनि सर्बसम्मत छनोट भएको अध्यक्ष पोखरेलले जानकारी दिएका छन् ।