दोलखा २३ पुस,,
नेपाली कांग्रेसको एक सय दिने अभियान अन्तर्गत मंगलबार दोलखाको सिंगटीमा भब्य सभा सम्पन्न भएको छ ।
३ वटा स्थानीय तहहरु कालिञ्चोक , विगु र गौरीशंकर गाउँपालिकाका अगुवा कार्यकर्तालाई लक्षित गर्दै आयोजना गरिएको सभामा विभिन्न दल परित्याग गरि ७६ जना युवाहरु कांग्रेसमा प्रवेश गरेका छन् । उनिहरुलाई कांग्रेसका केन्द्रिय सदस्य एवं पुर्वमन्त्री मोहन बस्नेत , कांग्रेस केन्द्रिय सदस्य एवं बागमती प्रदेशका अर्थमन्त्री कुन्दनराज काफ्ले र कांग्रेस केन्द्रिय सदस्य एवं युवा नेता अजयबाबु शिवाकोटीले स्वागत गरेका थिए ।
कार्यक्रममा केन्द्रिय प्रतिनिधि समेत रहेका पुर्वमन्त्री मोहन बस्नेतले मुलुक निर्माण गर्ने एकमात्र लोकतान्त्रीक शक्ति भनेको कांग्रेस मात्रै भएकाले राजनीतिबाट बिचलित नभै कांग्रेसको बिचारमा जोडिन आग्रह गरेका छन् । कार्यक्रममा सहभागी नेपाली कांग्रेसका केन्द्रिय सदस्यद्धय कुन्दनराज काफ्ले र अजयबाबु शिवाकोटीले समुन्नत दोलखा र सुखी दोलखाली निर्माण गर्ने एकमात्र शक्ति नेपाली कांग्रेसमात्रै भएकाले तमाम दोलखालीहरुलाई कांग्रेसलाई विस्वास र भरोसा गर्न आह्वान गर्दै पाटी प्रवेश गर्ने युवाहरुलाई बधाइ ज्ञापन गरेका थिए । कार्यक्रममा दोलखाका स्थानीय नेताहरु समेत सहभागी थिए ।
कांग्रेसको सय दिने अभियान , सिंगटीमा भब्य सभा, ७६ जना कांग्रेसमा प्रवेश
