दोलखा १२ पुस
नेपाली कांग्रेसका युवा नेता एवं समाजसेबी शम्भु केसीले आफ्नो जन्म दिनको अवसरमा दोलखाको बाबरे गाउँका क्यान्सर पिडितलाई उपचारका लागि नगद सहयोग गरेका छन् ।
दोलखाको मेलुङ गाउँपालिका स्थायी घर भैई हाल जापानमा व्यवसाय गर्दै आएका नेता केसीले बाबरेका क्यान्सरपिडित पुर्ण बहादुर थामीको उपचारार्थ १० हजार नगद सहयोग गरेका हुन् । ६६ वर्षिया थामी कात्र्तिक देखि क्यान्सर रोगले थलिएर भक्तपुरस्थित क्यान्सर अस्पतालमा उपचार गराइरहेका भएपनि पछिल्लो समय आर्थिक अभाब भएकै ठुलो समस्यामा छन् । क्यान्सर पिडित थामीले रकम अभाब भएकै कारण मर्नुपर्ने अवस्था आएको भन्दै सहयोगी मनहरुलाई आफुले सकेको सहयोग गरिदिन पनि अनुरोध गरेका छन् । जापानबाट पठाएको नगद बुझाउन अस्पताल पुगेका नेपाली कांग्रेस बाबरे काठमाडौं सम्पर्क समितिका सभापति हरि खतिवडासमक्ष क्यान्सर पिडित थामीले भक्कानीदै भने “ रोगले पनि गरिबलाई दुख दिने रछ , कसैले थप सहयोग गरेको भए त बाँच्थेकी ” ? जवाफमा खतिवडाले कांग्रेसको गाउँ समितिकै पहलमा रकम संकलन भएको बताउदै थप सहयोग संकलन गर्न अभियाननै चलाउने जनाएका छन् । उनले दृढ आत्मबलका साथ अघि बढ्न आग्रह गरे ।
थप सहयोगको याचना
उनको उपचारमा संलग्न चिकित्सकहरुका अनुसार थामीलाई क्यान्सर पुर्ण रुपमा निको हुन १० लाख खर्च लाग्ने जनाएको छ । तर त्यो मात्राको रकम थामी परिवारका लागि सपना जस्तै हो । क्यान्सर पिडित पुर्ण बहादुरका ज्वाँई बसन्त थामी भन्छन भएको सबै पैसा सिद्धिसक्यो हाम्रो परिवारनै ठुलो चिन्तामा छ । ससुराबुवालाई बचाउन सकिन्छकि भनेर लागिरहेका छौं तर पैसाको कतैबाट पनि जोहो हुन सकेका छैन ।
यदि तपाँइ पनि क्यान्सर पिडित थामीको उपचारमा सहयोग गर्न चाहानुहुन्छ भने गौरीशंकर पोष्ट सँग सम्पर्क गर्न वा सिधै परिवारमा सम्पर्क गर्नसक्नुहुन्छ । त्यसका लागि बसन्त थामीको सम्पर्क नम्बर ९८४०९२६८१६ वा हाम्रो चरिकोटस्थित कार्यालयमा सम्पर्क समेत गर्नसक्नुहुन्छ ।
