Gaurishankar Post
ब्रेकिंग

कालिञ्चोकका किसानलाई जुम्लाको स्याउको विरुवा


श्याम खतिवडा
दोलखा १९ फागुन
,,,
दोलखाको कालिञ्चोक गाउँपालिका १ साबिक कालिञ्चोक गाउँका किसानलाई नगदेबालीमार्फत आय आर्जन वृद्धि गराउने उद्देश्यले जुम्लाको स्याउको विरुवा वितरण गरिएको छ ।
भौगोलिक हिसाबले उपयुक्त भुगोल भएको र स्याउको उत्पादन हुने सम्भावना देखिएपछि गाउँपालिकाले कृषकलाई स्याउ खेति तर्फ आकर्शण गराउन स्याउको विरुवा वितरण गरिएको हो । गाउँपालिकाका कृषि प्राविधिक अर्जुन पुन मगरले कृषकको आयआर्जनमा वृद्धि गराउन र नगदेबालीतर्फ आकर्शित गर्न यो अभियान सुरु गरिएको बताए । कालिञ्चोक गाउँपालिकाको स्विकृत कार्यक्रम अनुसार भुगोल अनुसारको नगदेबाली प्रबद्र्धन अभियान सुरु गरेको हो । कृषि प्राविधिक मगरका अनुसार कालिञ्चोक एक तारेभिर र माथिल्लो खर्कमा रेड डेलिसस जातको सम्भावना देखिएकाले स्याउ खेती सुरु गर्न लागिएको जानकारी दिए । यो जातको स्याउ सामुन्द्रिक सतहबाट २५ सय मिटर माथिको भुगोलमा हुने र सामान्यतया तुसारो नपर्ने जमिन आबश्यक भएकाले उक्त भुगोल उपयुक्त हुने प्राविधिकहरुको विस्वास छ । यो स्याउ विरुवा रोपेको र राम्रो मलजल भए ३ वर्षमा उत्पादन दिने प्राविधिक मगरको भनाई छ ।
गाउँपालिकाले कालिञ्चोक १ का दुई वटा क्षेत्रमा ६ सय स्याउका विरुवा वितरण गरेको छ । नमुनाका रुपमा कृषि फार्म मार्फत सुरु गरिएको भएपनि त्यसलाई क्रमश विस्तार गर्दै लगिने कालिञ्चोक १ का वडाअध्यक्ष पदम थामीले जानकारी दिए । गाउँपालिका उपाध्यक्ष कुल बहादुर बुढाथोकीले परम्परागत कृषि प्रणालीलाई क्रमश सुधार गर्दै लैजाने र किसानलाई नगदेबालीमार्फत आय आयआर्जनमा वृद्धि गराउदै लैजाने बताए । गाउँपालिकाले चालु आर्थिक वर्ष नगदेबाली र हिउँदेबाली प्रवद्र्धनका लागि ५ लाख बजेट विनियोजन गरेको र अन्य वडामा पनि भुगोल अनुसारका विरुवा कतै चाइनिज नास्पाती , कतै दाँते ओखर वितरण गरेको गाउँपालिकाले जनाएको छ । नमुनाका रुपमा लगाइएका नगदेबाली क्रमश सबै क्षेत्रमा प्रबद्र्धन गर्दै लैजाने गाउँपालिका अध्यक्ष अर्जुन प्रसाद शिवाकोटीले जानकारी दिए । उनका अनुसार किसानको आय आर्जनमा सुधार गर्न अन्य निकायहरुसँग पनि समन्वय गर्दै जाने तयारी समेत छ ।
फोटो क्याप्सन
किसानलाई स्याउका विरुवा वितरण गर्दै कालिञ्चोक गाउँपालिकाका पदाधिकारी । तस्बिर-
padam thami

याे पढ्न छुटाउनु भयाे की ?

दोलखा प्रहरीलाई विपत प्रतिकार्यका लागि अत्याबश्यक सामाग्री सहयोग

shyam khatiwada

दोलखाबाट जन्ती लिएर गएको बस सिन्धुपाल्चोकमा दुर्घटना , ३ को मृत्यु ५२ जना घाइते

shyam khatiwada

यसकारण जिपछिरिङ लामालाई केन्द्रीय सदस्यमा भोट

shyam khatiwada
Gaurishankar Post