Gaurishankar Post
Image default
समाचार

कोभिड संक्रमणबारे सचेतना फैलाउन माक्स वितरण गर्दै दोलखाका प्रजिअ शर्मा



दोलखा १६ साउन

कोरोना भाइरस कोभिड १९ को संक्रमण न्युनिकरण गर्न सचेतना फैलाउने उद्देश्यले दोलखाका प्रमुख जिल्ला अधिकारी आफैं सडकमा खटिएर माक्स वितरण गरेका छन् ।
पछिल्लो समय पनि कोभिड संक्रमीतको संख्या दिनानुदिन बढिरहेको भन्दै नागरिकलाई थप सचेतना फैलाउन दोलखाका प्रजिअ भीमकान्त शर्मा आफैं सडकमा खटिएर माक्स वितरण गरेका हुन् । जिल्लास्तरिय संकट व्यवस्थापन समितिको बैठक बसेर नागरिकलाई थप सचेतना जगाउन न्युनतम स्वास्थ्य सामाग्री अनिबार्य प्रयोग गर्न शन्देश दिन माक्स वितरण गरिएको प्रमुख जिल्ला अधिकारी शर्माले जानकारी दिए । उनले गृह मन्त्रालयको निर्देशन अनुसार यस अघि माक्स नलगाउने १ हजार भन्दा धेरै नागरिकलाई सम्झाई बुझाई गरिएको र आइतबारबाट अनिबार्य माक्स प्रयोग गर्नेगरि कडाई गर्न लागिएको जानकारी दिए । प्रजिअ शर्माले शुक्रबार आफैं चरिकोटस्थित सातदोबाटो चोकमा उभिएर झण्डै ५ सय नागरिकलाई माक्स वितरण गर्दै अनिवार्य माक्स लगाउन अनुरोध गरेका छन् । उनले आइतबार देखि सबैले माक्स नलगाए संक्रमण रोग ऐन २०२० बमोजिम माक्स नलगाउनेहरुलाई एक सय रुपैंया जरिबाना सहित आबश्यक कार्बाही गरिने जनाएका छन् ।
संक्रमणका हिसाबले दोलखा ग्रिन जोन भित्र परेपनि थप संयमित हुन र अहिलेकै अवस्था कायम राख्न अनिबार्य स्वास्थ्य सामाग्री प्रयोगमा जोड दिइएको जिल्लास्थित संकट व्यवस्थापन समितिले जनाएको छ । दोलखामा लकडाउन सुरु भए यता भारत सहित अन्य मुलुकबाट १ हजार ९२ जना जिल्ला भित्रीएका र ९ सय ५३ जनाले क्वारेन्टाइनको समय अवधि पुरा गरि घर फर्किएका छन् भने ३३ जना अहिले पनि क्वारेन्टाइनमा बसिरहेका छन् । क्वारेन्टाइनमा बसेका मध्ये ३ सय ४१ जनाको पिसिआर परिक्षण गरिएकोमा ३ जनाको मात्रै रिपोर्ट पोजेटिभ आएको थियो ।
फोटो
कोभिड १९ बारे सचेतना फैलाउन माक्स वितरण गर्दै दोलखाका प्रजिअ भीमकान्त शर्मा ।

याे पनि हेर्नुहोस

कोभीडका कारण दोलखामा एक महिलाको मृत्यु , संक्रमितको संख्या २ सय २३ पुग्यो

shyam khatiwada

माथिल्लो तामाकोसीको डिसेण्डर बेसिनमा पानी भर्न सुरु, दोलखा कांग्रेसको बिरोध

shyam khatiwada

सहुलिएत कर्जा प्रर्वाहा नगर्ने बैंकलाई कार्बाही गरिने डेपुटी गभर्नर शिवाकोटी

shyam khatiwada
गाैरीशंकर पाेष्ट
Online News Portal