गौरीशंकरका पहिरो पिडितलाई दोलखा कांग्रेसको आर्थिक सहयोग

श्याम खतिवडा
दोलखा २८ साउन
साउन २२ गते रातिको अविरल वर्षाका कारण झरेको पहिरोमा परि बिस्थापित भएका र ज्यान गुमाउने परिवारलाई दोलखा कांग्रेसले आर्थीक सहयोग गरेको छ ।
जिल्लाको गौरीशंकर गाउँपालिका ८ मा पर्ने खारेको टुनिटारको पहिरोमा परि ज्यान गुमाएका र बिस्थापित भएका परिवारलाई दोलखा कांग्रेसले नगद सहयोग गरेको हो । पहिरोमा परि ज्यान गुमाउने कालिञ्चोक गाउँपालिका ८ निबासी शुरेस शिवाकोटीको परिवारलाई सामान्य खर्चस्वरुप नगद १० हजार उपलब्ध गराइएको नेपाली कांग्रेस दोलखाका सचिब बालकृष्ण आचार्यले जानकारी दिए । कांग्रेसले पहिरोका कारण घर बिस्थापित भएकामध्ये पुर्ण क्षेति भएको परिवारलाई नगद १० हजार र आंसिक क्षेति भएका परिवारलाई जनही ५ हजार उपलब्ध गराएको सचिब आचार्यले बताएका छन् । उनका अनुसार पहिरोले गुरुम्फी र टुनिटारका १३ घरधुरीमा पुर्ण क्षेति भएकाले उनिहरुलाई प्रति धुरी १० हजारका दरले सहयोग गरिएको थियो । त्यसैगरि २ वटै बस्तीमा आंसिक क्षेति भएका २० घरधुरीलाई भने प्रति परिवार ५ हजारका दरले नगद सहयोग उपलब्ध गराइएको जिल्ला सचिब आचार्यको प्रतिकृया छ । स्थलगत अवलोकन सहित सहयोग हस्तान्तरणका लागि पहिरो प्रभावित क्षेत्रमा पुगेका कांग्रेस नेता कार्यकर्ताहरुले बाढिले बगाएको खारे खोला पुल मर्मतका लागि समेत नगद सहयोग गरेको कांग्रेसका गौरीशंकर गाउँपालिका समितिले जनाएको छ ।
सहयोग हस्तान्तरण कार्यक्रममा दोलखा कांग्रेसका सभापति रुद्र बहादुर खड्का , युवा नेता एवं नेबिसंघका पुर्व महामन्त्री कुन्दनराज काफ्ले जिल्ला सचिबहरु सन्तोष रिमाल , बालकृष्ण आचार्य , गौरीशंकर सभापति श्याम तामाङ तरुण दल अध्यक्ष दावासांगे शेर्पा लगाएत सहभागी थिए । पहिरो पिडितको भावनामा थोरैभएपनि मलम लगाउन आफुहरुले सहयोग उपलब्ध गराएको भन्दै युवा नेता कुन्दन काफ्लेले सरकारले पहिरो पिडितको उचित व्यबस्थापन गर्न नसकेको आरोप लगाएका छन् । टुनिटार र गुरुम्फीमा उपयुक्त भुगोल पहिचान गरि एकिकृत बस्ती सहित अन्य पुर्वाधार विकासका लागि कांग्रेसले आबश्यक पहल गर्ने आस्वासन दिएको पिडितहरुले जनाएका छन् ।