दोलखाको कालिञ्चोक गाउँपालिका ४ गुमु निबासी राष्ट्रसेबक दिपक खुलालले आफ्नो गृहगाउँ कालिञ्चोक गाउँ पालिकास्थित प्राथमिक स्वास्थ्य केन्द्र सिंगटीलाई ३ थान पिपिइ वितरण गरेका छन् ।
रोजगारीको सिलसिलामा राजधानी बसोबास गर्दै आएका खुलालले केहि समयअघि काठ्माण्डौमा रहेको घरकोभाडा समेत छुट गराएका उनले कोरोना भाइरसबाट बच्न अस्पताललाई पिपिइ सहयोग गरेका हुन् । उनले प्राथमिक स्वास्थ्य केन्द्र सिंगटीका एम्बुलेन्स चालक कृति बहादुर थामीलाई सो सामाग्री हस्तान्तरण गरेका थिए । सामाग्री हस्तान्तरण गर्दै खुलालले अस्पतालको आवश्यकता अनुसार सो सामाग्री प्रयोग गर्न आग्रह गरेका थिए । पिपिई सहित उनले अस्पतालका लागि अन्य केही स्वास्थ्य सामाग्री समेत वितरण गरेका छन् ।
लामो समयदेखि सामाजिक काममा सहयोग गर्दै आएका खुलाल काठ्माडौंस्थित गंगालल हृदय रोग केन्द्रका सुरक्षा प्रमुख हुन् । लकडाउनको समयमा काठमाडौंमा अलपत्र रहेका असंगठित मजदुरहरुलाई राहत समेत वितरण गरेका खुलालले लकडाउनमा काठमाडौंमा अलपत्र परेका केही जिल्लाबासीहरुलाई समेत दोलखा पठाउन सहयोग गरेको उनि निकट स्रोतले जनाएको छ । गौरीशंकरपोष्ट सँग कुरा गर्दै खुलालले आफुले गरेका सामाजिक कामको कुनै स्वार्थ नरहेको प्रस्ट पारेका छन् । उनले आफु सामान्य परिवारको किसानको छोरो भएकै कारण अरुको दुख देख्न नसकेको जनाएका छन् ।
