Gaurishankar Post
ब्रेकिंग

घोक्सिला समाज र हिमालय सिमापार वाणिज्य संघद्धारा भीनपा ५ का जेष्ठ जनलाई सिरक वितरण


दोलखा ३० फागुन,,,

श्री महाङ्गकाली माइ घोक्सिला समाज र हिमालय सिमापार बाणिज्य संघको संयुक्त आयोजनामा भीमेश्वर नगरपालिका वडा नम्बर ५ का जेष्ठ नागरिकलाई न्यानो सिरक वितरण गरिएको छ ।
महाङ्गकाली माइ घोक्सिला समाजका अध्यक्ष बासु श्रेष्ठको अध्यक्षतामा भीमेश्वर नगरपालिकाका विभिन्न टोलमा भएको कार्यक्रममा जेष्ठ नागरिकहरुलाई न्यानो सिरक वितरण गरिएको हो । ३ दिन अघि देखि चलेको न्यानो सिरक वितरण कार्यक्रम वडा नम्बर ५ का विभिन्न बस्तीमा पुगेर जेष्ठ नागरिकलाई हस्तान्तरण गर्दै आज सम्पन्न भएको छ । अभियानका क्रममा समाजका अध्यक्ष बासु श्रेष्ठले जेष्ठ नागरिक समाजका महत्वपुर्ण इतिहाँस बोकेको पुस्ता भएकाले उनिहरुलाई सम्झना स्वरुप एक एक थान न्यानो सिरक वितरण गरिएको सुनाए ।

जेष्ठ नागरिक सहित वडा नम्बर ५ का एकल महिला ,अपांगता भएका व्यक्ति लगाएतलाई सिरक वितरण गरिएको थियो । समाजले वडा नम्बर ५ का ४ सय २ जनालाई सामाग्री वितरण गरिएको सिरक वितरण अभियानमा संलग्न युवा समाजसेवी सुबोध श्रेष्ठले जानकारी दिए । न्यानो सिरक पाउनेहरुमा किरातिछापका १४२ जना माटीका १२७ जना र बिसुन्टोलका १३३ जना जेष्ठ नागरिक तथा एकल महिला र अपांगता भएका व्यक्रिहरु छन् । अभियानका क्रममा अध्यक्ष बासु श्रेष्ठले समाजमा आइपर्ने सबैखाले समस्याको समाधानका लागि आफु निरन्तर खटिने जनाएका छन् । सिरक वितरण कार्यक्रममा भीमेश्वर नगरपालिकाकी उपमेयर कमला बस्नेत र हिमालय सिमापार व्यपार संघका अध्यक्ष अशोक श्रेष्ठले जेष्ठ जनलाई गरिएको सहयोग अपरिहार्य रहेकोमा जोड दिएका थिए ।

याे पढ्न छुटाउनु भयाे की ?

दोलखामा गठबन्धनले भारी अन्तरले निर्वाचन जित्दैछौं – कांग्रेस नेता तारा खड्का

shyam khatiwada

दोलखाको फस्कुमा बन्यो सुविधासम्पन्न स्वास्थ्य चौकी भवन

shyam khatiwada

आगामी बजेटमा सञ्चारकर्मीका एजेण्डालाई प्राथमिकता दिइने मन्त्री पाण्डेको प्रतिबद्धता

shyam khatiwada
Gaurishankar Post