तरुण दल दोलखाको सचिबमा ढुंगेल

नेपाल तरुण दल दोलखाको सचिवमा तरुण नेता प्रेम ढुंगेल मनोनित भएका छन् ।
यस अघि तरुण दल जिल्ला कार्यसमित सदस्य रहेका ढुंगेललाई रिक्त रहेको सचिब पदमा मनोनित गरिएको हो । नेपाली कांग्रेसको चौधौं जिल्ला अधिबेशनमा तरुण दल दोलखाका सचिब चित्र दाहाल कांग्रेसको प्रदेश सभा ख को सभापतिमा निर्वाचित भएपछि रिक्त रहेको पदमा ढुंगेललाई मनोनित गरिएको तरुण दल दोलखाका अध्यक्ष चित्र कुमार तामाङ ले जानकारी दिए । नेपाली कांग्रेस दोलखाका सभापति बर्मा लामा सचिब दावासांगे शेर्पा लगाएतका नेताहरुको उपस्थितीमा ढुंगेललाई सचिब मनोनित गरिएको । सचिबको जिम्मेवारी पाएपछि ढुंगेलले पाटीको सिद्धान्त अनुरुप सकृय भएर संगठन बिस्तार र कांग्रेस जिताउने अभियानमा आपपु शसक्त ढंगले लाग्ने र युवाहरुलाई सोही अनुसार परिचालन गर्ने प्रतिबद्धता जनाएका छन् । प्रमे ढुंगेल जिल्लाको वैतेश्वर गाउँपालिका ७ बाट नेपाल तरुण दल दोलखामा प्रतिनिधित्व गर्छन् ।