श्याम खतिवडा
दोलखा १५ असार,,
स्वतन्त्र उर्जा उत्पादकहरुको साझा संस्था इपानले कोभिड महामारी नियन्त्रणका लागि दोलखाका स्वास्थ्य संस्थाहरुलाई अत्याबश्यक स्वास्थ्य सामाग्री सहयोग गरेको छ ।
मंगलबार इपानका तर्फबाट सिंगटी जलविद्युत आयोजनाको टोलीले दोलखाका प्रमुख जिल्ला अधिकारी बासुदेब घिमिरेलाई अत्याबश्यक उपकरण सहितका स्वास्थ्य सामाग्री हस्तान्तरण गरेको हो । इपानले उपलब्ध गराएको स्वास्थ्य सामाग्रीहरुमा १८ थान ठुलो अक्सिजन सिलिण्डर, १ थान अक्सिजन कन्सन्टेटर, अक्सोमिटर ५ थान र ५ थान पिपिइ सेट रहेको इपानका उपाध्यक्ष एवं सिंगटी हाइड्रोपावरका कार्यकारी निर्देशक गणेश कार्कीले जानकारी दिए ।
मंगलबार इपानको तर्फबाट सिंगटी जलविद्युत आयाजनाका प्रतिनिधिहरु मन्दिप खनाल, बिलभराज गौतम र सब्रिनराज गौतमले उल्लेखित स्वास्थ्य सामाग्रीहरु दोलखाका प्रमुख जिल्ला अधिकारी बासुदेब घिमिरेलाई हस्तान्तरण गरेका थिए । सामाग्री हस्तान्तरण कार्यक्रममा प्रमुख जिल्ला अधिकारी घिमिरेले महामारीको बेलामा अत्याबश्यक स्वास्थ उपकरण सहितका सामाग्रीहरु उपलब्ध गराएकोमा इपानप्रति आभार व्यक्त गरेका छन् । उनले ति सामाग्रीहरु जिल्लाका विभिन्न स्वास्थ्य संस्थाहरुलाई आबश्यकताको आधारमा वितरण गर्ने जनाएका छन् ।
उपाध्यक्ष कार्कीका अनुसार महामारी नियन्त्रणका लागि इपानले आफ्ना सदस्य आयोजना भएका सबै जिल्लामा स्वास्थ्य सामाग्री सहयोग गरेको छ । इपानले कोभिड १९ राहत कोष नै स्थापना गरेर आबश्यक स्वास्थ्य सामाग्री वितरण गरेको उपाध्यक्ष कार्कीले बताएका छन् । इपानले यसअघि महामारी नियन्त्रणकै लागि प्रधानमन्त्री राहत कोषमा १ करोड रकम सहयोग गरेको जनाइएको छ ।
फोटो
सामाग्री बुझ्दै दोलखाका प्रमुख जिल्ला अधिकारी बासुदेब घिमिरे । तस्बिर- Gaurishankarpost.com ।