Gaurishankar Post
नेपाल समाचार समाचार

दोलखाको लामिडाँडामा एमालेका कार्यकर्ताद्धारा गठबन्धनका वडासदस्यमाथी खुकुरी प्रहार


दोलखा २८ बैशाख
दोलखाको कालिञ्चोक गाउँपालिका ४ लामिडाँडाका वडा सदस्य उम्मेद्वार छत्र बहादुर कार्कीमाथी खुकुरी प्रहार गरेका छन् ।
गएराती मौन अवधि सुरु हुनै लाग्दा कालिञ्चोक ४ को नरिभुँई पुगेका एमालेका कार्यकर्ताहरुले माओबादीका तर्फबाट गठबन्धनका वडा सदस्य उम्मेद्वार कार्की माथी खुकुरी प्रहार भएकोे । घाइते कार्कीका अनुसार आफुलाई एमालेका स्थानीय नेताहरु सरोज ठकुरी , कुमार बस्नेत र राजेन्द्र कार्कीले खुकुरी प्रहार गरेको बताएका छन् । उनको टाउकोमा गम्भिर चोट छ । कार्की लाई गएरातिनै चरिकोटस्थित सामुदायिक अस्पतालमा भर्ना गरिएको छ । घाइते कार्कीले आजै जिल्ला प्रहरी कार्यालय दोलखामा सरोज ठकुरी , कुमार बस्नेत , राजेन्द्र कार्की लगाएत ५ जनालाई ज्यान मार्ने उद्योगको कसुरमा जाहेरी दिएका छन् । उता घटनामा संलग्न रहेको आरोप लागेका नेकपा एमाले कालिञ्चोक ४ वडा कमिटी अध्यक्ष कुमार बस्नेतले आफुहरुलाई लगाइएको आरोप निराधार रहेको दाबी गरेका छन् । उनले आफुहरु मतदाता भेट्न गएको बेला उल्टै आक्रमण गरेको बताए । बस्नेतले आफ्नै कार्यकर्ता राजैनद्र कार्कीलाई घाइते बनाएको सुनाए । घटनामा संलग्न रहेको भन्दै प्रहरीले ३ जनालाई पक्राउ गरेको छ भने घटनाका मुख्य आरोपित सरोज ठकुरी र कुमार बस्नेत सम्पर्क विहिन रहेको प्रहरीले जनाएको छ । घटनाका मुख्य आरोपित ठकुरी कृषि विकास बैंकका छैटौं तहका अधिकृत हुन् , उनले खुलेआम पार्टीको राजनीति र अपराधिक काम गरिरँदा दोलखा प्रशासन भने मुकदर्शक बनेको स्थानीयको आरोप छ ।

याे पढ्न छुटाउनु भयाे की ?

दोलखा प्रहरीलाई विपत प्रतिकार्यका लागि अत्याबश्यक सामाग्री सहयोग

shyam khatiwada

वडाको बजेट मनोपरि गरेको भन्दै भीनपा ८ बोचमा कांग्रेसले गर्‍यो तालाबन्दी

shyam khatiwada

नदिजन्य सामग्रीको राजश्व अनियमितताबारे प्रतिबेदन सार्वजनिक गर्न तामाकोसीमा कांग्रेसको माग

shyam khatiwada
Gaurishankar Post