Gaurishankar Post
Image default
समाचार स्वास्थ्य

दोलखाको सिंगटीमा १५ सैंयाको अस्पताल उद्घाटन


१५ प्रकारका सेवाहरु निशुल्क प्रवाहा गरिने


दोलखा १५ मंसिर
दोलखाको उत्तरी क्षेत्रस्थित मुख्य ब्यापारिक केन्द्र सिंगटी बजारमा १५ सैंयाको सरकारी अस्पताल उद्घाटन गरिएको छ ।
सरकारले प्रत्येक स्थानीय तहमा अस्पताल बनाउने निर्णय गरेसँगै यस अघि प्राथमिक स्वास्थ्य केन्द्रको रुपमा रहेको सिंगटी अस्पताललाई आबश्यक सेवा प्रवाहा गर्ने गरि उद्घाटन गरिएको हो । सोमबार बागमती प्रदेशका सांसद पशुपति चौलागाइले एक भब्य समारोहका बिच सिंगटी अस्पतालको उद्घाटन गरेका हुन् । उद्घाटन कार्यक्रममा सांसद चौलागाइले दोलखाको उत्तरी क्षेत्रका नागरिकहरुलाई स्वास्थ्य सेवा लिन सहज भएको बताउदै सरकारले उक्त अस्पताललाई प्रभाबकारी ढंगले सञ्चालन गर्न कुनै कसर बाँकी नराख्ने जनाएका छन् । उनले यसअघि प्राथमिक स्वास्थ्य केन्द्र रहँदाको भन्दा अस्पतालनै बनेपछि १५ प्रकारका सेवाहरु निशुल्क रुपमा वितरण हुने जनाएका छन् । चौलागाइले अस्पतालको नियमित व्यवस्थापनका लागि प्रदेश सरकारले चालु आर्थिक वर्ष ६० लाख बजेट विनियोजन गरेको सुनाउदै आगामी वर्ष उक्त बजेट थप बृद्धि गर्दै लैजाने आस्वासन दिएका छन् ।
यसअघि भारतिय राजदुताबासले निर्माण गरेको भबनबाट सञ्चालन हुदै आएको प्राथमिक स्वास्थ्य केन्द्र सरकारको निर्णयअनुसार अस्पतालको रुपमा सञ्चालन हुने गरि उद्घाटन गरिएको कालिञ्चोक गाउँपालिकाका अध्यक्ष बिनकुमार थामीले जानकारी दिए । थामीले उक्त अस्पतालको व्यवस्थापन कालिञ्चोक गाउँपालिकालेनै गर्दै आएको र आगामी दिनमा पनि अझ धेरै प्रभाबकारी ढंगले गर्दै जाने बताएका छन् । अस्पतालबाट प्रशुति सेवा , अन्तरंग सेवा , आकस्मिक सेवा , प्रयोगशाला, फार्मेसी , परिवारनियोजन , लगाएत १५ प्रकारका सेवाहरु निशुल्क प्रवाहा हुने कालिञ्चोक गाउँपालिकाका प्रमुख प्रशासकिय अधिकृत नवराज ओलीले बताएका छन् । अस्पताल स्थापना भएसँगै दोलखाको उपल्लो उत्तरीक्षेत्रका नागरिकहरुलाई ठुलो राहत भएको नेकपाका जिल्ला नेता समेत रहेका स्थानीय कुल बहादुर बुढाथोकीले बताए । उनले अस्पतालको नियमित व्यवस्थापनमा प्रदेश र संघिय सरकारको ध्यानाकर्शणसमेत गराएका छन् । अस्पताल उद्घाटन कार्यक्रममा गाउँपालिका उपाध्यक्ष कालिका पाठक , नेकपाका नेता कुल बहादुर बुढाथोकी , कालिञ्चोक गाउँपालिकाका वडाअध्यक्षहरु लगाएत स्थानीयहरुको सहभागिता थियो ।
संस्थापक अध्यक्षले सुरु गरे अक्षय कोष
अस्पताल निर्माणका लागि सुरुवातदेखिनै पहल कदमी गर्दै आएका सिंगटी अस्पताल व्यवस्थापन समितिका संस्थापक अध्यक्षसमेत रहेका समाजसेबी आत्मकृष्ण श्रेष्ठले २ लाखको अक्षयकोष स्थापना गरेका छन् । गरिब तथा विपन्न समुदायका सदस्यहरुको उपचारमा खर्चिने गरि श्रेष्ठले आत्माकृष्ण÷रुपा अक्षयकोषको नाममा २ लाख रुपैंयाको कोष स्थापना गरेका छन् । अस्पतालमा अहिले करार र स्थायी गरि जम्मा २६ जना स्वास्थ्य कर्मचारीहरु कार्यरत छन् ।
फोटो
सिंगटी अस्पताल उद्घाटन गर्दै बागमती प्रदेशका सांसद पशुपति चौलागाई ।।

याे पनि हेर्नुहोस

गुमुखोला तोरीखेत सिञ्चाई आयोजनाको विवाद टुंगियो एक साताबाट निर्माण सुरु हुने

shyam khatiwada

दोलखामा बाल बिवाहा हुन बाट रोक

shyam khatiwada

७ वर्षदेखि निमित्तको भरमा जिल्ला अस्पताल ,जनशक्ति अभाबले उपचारमै समस्या

shyam khatiwada
गाैरीशंकर पाेष्ट
Online News Portal