Gaurishankar Post
खेलकुद नेपाल समाचार

दोलखामा आयोजित अन्तराष्ट्रिय बुद्धिचालको उपाधी भारतीय खेलाडी महिन्द्रकारलाई


श्याम खतिवडा
दोलखा ९ जेठ,,

जेठ ५ गतेदेखि दोलखा सदरमुकाम चरिकोटमा आयोजित अन्तराष्ट्रिय बुद्धिचाल प्रतियोगिताको उपाधि भारतिय खेलाडी इन्द्रजित महिन्द्रकारले हात पारेका छन् ।
५ दिन देखि जारी प्रतियोगितामा महिन्द्रकारले ८.५ अंक प्राप्त गरी उपाधी हात पारेका हुन् । उनलाई नगद एक लाख सहित शिल्ड मेडल र प्रमाणपत्र वितरण गरिएको छ । त्यस्तै प्रतियोगिताको दोस्रो र तेस्र्रो स्थान पनि भारतिय खेलाडीहरुलेनै हात पारेका छन् । दोस्र्रो स्थान भारतका भेदान्त नगरकाट्य र तेस्र्रो मोहीतकुमार सोनि छन् । उनिहरुलाई क्रमश ६० हजार र ४० हजार नगद सहित शिल्ड मेडल र प्रमाणपत्र प्रदान गरिएको छ । दोलखा चेस होमले आयोजना गरेको प्रतियोगितामा १२ वर्षमुनिको छुट्टै प्रतिष्पर्धी खेलाडीहरुमध्ये भारतकै ६ वर्षिया बालिका अनुपरिया यादबले बाजी मारेकी छन् । उनलाई पनि नगद सहित पुरस्कार प्रदान गरिएको छ । विजयी प्रतियोगीहरुलाई कांग्रेस नेता एवं पुर्वमन्त्री शंकर भण्डारीले पुरस्कार वितरण गरेका थिए । दोलखा चेस होमका अध्यक्ष गोबिन्दमान श्रेष्ठको अध्यक्षतामा भएको समापन कार्यक्रममा सांसद एवं पुर्वमन्त्री भण्डारी , कांग्रेस केन्द्रिय सदस्य अजयबाबु शिवाकोटी भिम बहादुर तामाङ स्मृति फाउण्डेशनका केन्द्रिय अध्यक्ष बर्मा लामा जिरी नगरपालिकाका मेयर मित्र जिरेल लगाएत सहभागी थिए । चारदिन अघि सुरु भएको प्रतियोगितामा ५ देशका १ सय ५६ खेलाडी सहभागी रहेका थिए । उक्त प्रतियोगिताको जेठ ५ गते कांग्रेस केन्द्रिय कार्यसम्पादन समिति सदस्य एवं पुर्वसांसद जिपछिरिङ लामाले उद्घाटन गरेका थिए ।
फोटो – दोलखामा आयोजित अन्तराष्ट्रिय बुद्धिचाल प्रतियोगिताको पुरस्कार वितरण गर्दै कांग्रेस नेता एवं पुर्वमन्त्री शंकर भण्डारी । तस्बिर – gaurishankarpost

याे पढ्न छुटाउनु भयाे की ?

५१ जना असहाय महिला तथा बालबालिकालाई न्यानो कपडा वितरण

shyam khatiwada

नेपालकाे नयाँ नक्सा HD Quality मा डाउनलाेड गर्नुहोस्

sanjeet

दोलखामा ६० हजार ७ सय घरको पुनर्निर्माण , १८ अर्ब ४४ करोड खर्च

shyam khatiwada
Gaurishankar Post