दोलखामा थप १० दिन निशेधाज्ञा

कोभिड महामारीका लागि लामो समयदेखि निशेधाज्ञा गरिदै आएको दोलखामा थप १० दिन निशेधाज्ञा लगाइने भएको छ ।
जिल्ला संकट व्यवस्थापन समितिका अध्यक्ष एवं दोलखाका प्रमुख जिल्ला अधिकारीको अध्यक्षतामा बसेको बैठकले थप १० दिन निशेधाज्ञा थप गर्ने निर्णय गरेको हो ।
समितिले असार ३१ गते राति १२ बजेदेखि साउन १० गते राति १२ बजेसम्म निशेधाज्ञा थप गर्ने निर्णय गरेको जिल्ला प्रशासन कार्यालय दोलखाले जारी गरेको विज्ञप्तीमा उल्लेख छ । कोरोना संक्रमितको संख्या दिनानुदिन बढ्दै गएकाले निशेधाज्ञा थप गरिएको विज्ञप्तीमा उल्लेख छ । यो पटक समेत थप हुँदा दोलखामा नवौं पटक निशेधाज्ञा गरिएको हो ।