Gaurishankar Post
Image default
नेपाल समाचार

दोलखामा पहिलोपटक हाईअल्टिच्युड राष्ट्रिय रेस्लिङ्ग प्रतियोगिता हुने


श्याम खतिवडा
दोलखा ३१ असोज
,
हिमाली जिल्ला दोलखाको सदरमुकाम चरिकोटमा पहिलोपटक हाईअल्टिच्युड राष्ट्रिय रेस्लिङ्ग प्रतियोगिता २०२१ आयोजना हुने भएको छ ।
प्रदेश खेलकुद परिषद र रिङ रेस्लिङ्ग संघको संयुक्त आयोजनामा यही कात्र्तिक १३ गते चरिकोटस्थित भ्युटावर खेलमैदानमा हाईअल्टिच्युड राष्ट्रिय रेस्लिङ्ग प्रतियोगिता आयोजना हुने भएको हो । देशभरका २५ भन्दा धेरै राष्ट्रिय खेलाडीहरु सहभागी हुने प्रतियोगिताको तयारी अन्तिम चरणमा पुगेको राखेपकी सदस्य समेत रहेकी नेपाल रिङ रेस्लिङ संघकी महासचिब सुवर्ण श्रेष्ठले जानकारी दिइन् । खेल क्षेत्रको विकाससँगै कोभिड महामारीले थलिएको पर्यटन क्षेत्रलाई टेवा पु¥याउने उद्देश्यले दोलखामा प्रतियोगिता आयोजना गरिएको महासचिब श्रेष्ठले बताएकी छन् ।
आइतबार चरिकोटमा पत्रकार सम्मेलनको आयोजना गरि आयोजक टिमले प्रतियोगिताबारे जानकारी गराएको थियो । प्रतियोगितामा नुवाकोटे टाइगर,थागु, डेभिड, साइन, टुप्पी ग्याङ, एक्स हिरो, लेडी एञ्जल, तन्नु , सिजे, एमसी जोन लगाएतका महिला तथा पुरुष खेलाडीहरु सहभागी हुने जनाइएको छ । प्रतियोगितामा हेभी वेट च्याम्पियनले १ लाख ५० हजार , हार्डकोर च्याम्पियनले १ लाख २० हजार , मिडल वेट च्याम्पियनले ८५ हजार , ट्याग टिम च्याम्पियनले ७५ हजार , लाइट वेट च्याम्पियनले ५० हजार र ट्रिपल थ्रेट च्याम्पियनले ४५ हजार नगद सहित मेडल र प्रमाणपत्र पाउने छन् । प्रतियोगितामा प्रदिप पाण्डे , विकास खड्का र शिसम मैनालीले रेफ्रीको भुमिका निर्वाहा गर्ने आयोजकले जनाएको छ ।
पत्रकार सम्मेलनमा संघकी महासचिब सुवर्ण श्रेष्ठले हिमाली जिल्लाहरुमा पनि रेस्लिङ खेलको विकास गराउन र २ हजार मिटर भन्दा माथिल्लो क्षेत्रमा रेस्लिङ आयोजना गरिनुका साथै नेपालमा रेस्लिङको विकास तथा खेलाडी उत्पादन गर्न एकेडेमी नै बनाएर अघि बढेको बताएकी छन् । नेपालमा उत्पादीत खेलाडी अन्तराष्ट्रीय क्षेत्रमा प्रतिष्पर्धा गर्न योग्य बनाउने लक्ष्य रहेको समेत महासचिब श्रेष्ठको भनाई छ । पत्रकार सम्मेलनमा बागमती प्रदेश खेलकुद विकास परिषदका सदस्य सचिब सुर्यलाल भण्डारीले प्रतियोगिता सम्पन्न गर्न जिल्लास्थित सबै निकायहरुलाई सहयोग गर्न अनुरोध गरेका छन् । पत्रकार सम्मेलनमा ओलम्पीक कमिटी सदस्य रमेश शिवाकोटी , राखेपका सदस्य गोविन्द भट्टराई , खेलकुद विकास समिति दोलखाका अध्यक्ष रोहितचन्द्र खड्का लगाएत सहभागी थिए ।
प्रतियोगिता सम्पन्न गर्न २९ लाख बजेट खर्च हुने आयोजकको अनुमान रहेको र उक्त बजेट व्यवस्था भैसकेको जनाइएको छ ।

याे पनि हेर्नुहोस

दोलखामा सर्बाधिक राशिको स्व.नन्दप्रसाद स्मृति पत्रकारिता पुरस्कार घोषणा

shyam khatiwada

माथिल्लो तामाकोसीबाट पुर्ण क्षमतामा विद्युत उत्पादन सुरु

shyam khatiwada

खतिवडा नेपाली कांग्रेस तरुण विभागको केन्द्रिय सदस्यमा नियुक्त

shyam khatiwada
गाैरीशंकर पाेष्ट
Online News Portal