कांग्रेस नेता एवं समाजसेवी जिपछिरिङ लामाले स्वास्थ्य क्षेत्रमा गृह जिल्ला दोलखामा गरेको अतुलनिय सहयोगले विस्व महामारीको रुपमा विगत २ वर्षदेखि चलेको कोरोना महामारी सहजै पार लागेको छ । लामाले दोलखाका सबै स्थानीय तहलाई उपलब्ध गराएको एम्बुलेन्स महामारीको समयमा सञ्जीबनी बुटी झै भएको दोलखाका सरोकारवालाहरुले बताएका छन् । लामाले आफ्ना स्वर्गिए बुवा आमाको नाममा उपलब्ध गराएको एम्बुलेन्स विपतमा सञ्जीबनी भएको जिल्ला स्वास्थ्य कार्यालय दोलखाले जनाएको छ ।
गृह–जिल्ला दोलखाको स्वास्थ्य क्षेत्रमा उनले असाधारण सहयोग गरेका छन् । निजी खर्चमा माता पिताको नाममा नौं वटा एम्बुलेन्स भीमेश्वर र जिरी नगरपालिकालाई गरी दुई शवबाहन दान गरेका छन् ।
ती एम्बुलेन्स र शवबाहन अहिले पनि सेतो नम्वर पेलेटमा जिल्लामा आवश्यकता अनुसार सञ्चालन भइरहेको छ । कोरोना महामारीमा अक्सिजन स्वास्थ्य सामाग्री अभावमा जनता रहेका बेला उनले निजी सहयोगमा थुप्रै स्वास्थ्य सामाग्रीहरू जिल्लाका अस्पतालहरूलाई निःशुल्क उपलब्ध गराएका थिए ।
भूकम्पमा परी घाइतेहरूको स्वास्थ्य उपचार देखि लिएर उनले परिवारको सदस्य गुमाएका गृह जिल्लाको एक सय ७४ परिवारलाई १५ हजारका दरले नगद सहयोग गरेका थिए । तीनै लामाले काँग्रेसको १४ औँ महाधिवेशनमा केन्द्रीय सदस्यमा उम्मेदवारी दिने घोषणा गरेसँगै काँग्रेस वृतमा लामाको चर्चा छ ।
‘सेवा नै धर्म’ हो भन्ने अभिप्रायका साथ राजनीतिमा अगाडि बढेका लामालाई दिन दुःखीले भगवानको रूपमा चिन्छन् । जुनसुकै दिन दुःखी र पार्टी कार्यकर्तालाई समस्या पर्ने बेला भौतिक उपस्थितिमा नै उनले आर्थिक सहयोग गर्ने गरेका छन् । जिल्लाबासीले लामालाई भीमबहादुर तामाङको मृत्यु पश्चात् अभिभावकको रूपमा लिने गर्दछन् ।
मुलुकका थुप्रै ठुलाठुला योजनाहरू लामाकै नेतृत्वमा निर्माण भएका छन् । यद्यपि त्यसको अलवा गुम्बा, मठमन्दिर, स्कुल, क्याम्पस, स्वास्थ्य चौकी बाटोघाटो र खानेपानी निर्माणमा उनले व्यक्तिगत सहयोग नै गर्दै आइरहेका छन् ।
पछिल्लो समय माता पिताको नाममा स्थापना गरिएको ‘तेङिमा–दाडोमा’ लामा स्मृति प्रतिष्ठानबाट लामाले आफ्नो समाजसेवाको प्रादुर्भाव झन् फराकिलो बनाउँदै लगेका छन् ।
२०७२ को भूकम्पमा परि घाइते भएका हजारौँलाई व्यक्तिगत आर्थिक सहयोगमा उनले हेलिकोप्टर तैनाथ गरी उद्धार गरेका थिए । विपत्तिको बेला उनको महत्त्वपूर्ण उपस्थिति र सहयोग त्यतिखेर जनमानसमा ओखती बन्यो नै ।
त्यसको अलवा लामाले हजारौँ त्रिपाल, स्वास्थ्य सामग्री र खाद्यान्न पनि सहयोग गरेका थिए ।
