दोलखा २९ बैशाख
नेपाल विद्यार्थी संघ दोलखाले नेपाली भुमी मिचेको भन्दै प्रधानमन्त्री केपी शर्मा ओली र भारतिय प्रधानमन्त्री नरेन्द्र मोदीको पुत्ला दहन गरेको छ ।
नेपाली भुमी लिपुलेक , लिम्पीयाधुरा र कालापानी मिच्नुमा नेपाल सरकारको समेत संलग्नता रहेको भन्दै ओली र मोदीको पुत्ला दहन गरेको हो । नेविसंघ दोलखाका उपाध्यक्ष सुरेस गौतमको नेतृत्वमा जुलुस सहित पार्टी कार्यालय बाट निस्केको टोलीले बजार परिक्रमा गर्दै सातदोबाटो चोकमा नाराबाजी सहित पुत्ला दहन गरेको छ । जुलुसमा कांग्रेसका जिल्ला नेताहरु उद्धबराज काफ्ले ,बर्मा लामा, ईश्वर मानन्धर जिल्ला सचिबहरु सन्तोष रिमाल , बालकृष्ण आचार्यलगाएत अन्य नेवि संघ तथा पार्टीका कार्यकर्ताहरु सहभागी थिय ।
राँके जुलुस सहित निस्किएका कांग्रेस कार्यकर्ताहरुले लिपुलेक कालापानी लिम्पीयाधुरा हाम्रो हो , नालायक सरकार मुर्दाबाद , कोरोना पिडितलाई राहत दे जस्ता नाराबाजी गर्दै जुलुस लगाएका थिए । पुत्ला दहन भैरहँदा प्रहरीले भने कुनै प्रतिक्रिया जनाएको थिएन । कार्यक्रम सकेर कार्यालय पुगिसकेका कांग्रेस कार्यकर्ताहरुलाई त्यसपछिमात्रै प्रहरी फलो गरेको थियो ।
