दोलखा ०८ चैत,,,
दोलखाको कालिञ्चोक गाउँपालिका ९ का एक नावालकको पेट्रोल सेवनबाट मृत्यु भएको छ ।
दोलखाको सिंगटी बजारमा व्यवसाय गर्दै आएका
कालिञ्चोक गाउँपालिका ९ सुन्द्रावतीका मुरारी सेढाईका २१ महिने छोरा सक्षम सेढाईको पेट्रोल सेवनबाट मृत्यु भएको हो ।
बुधबार विहान अन्दाजी १० बजे सेढाईको घरमा राखेकोे पेट्रोल बालकले सेवन गरेका थिए । बाबू मुरारी सेढाईले बाईकमा पेट्रोल हालेर पाइप सहित कोठामा राखिएको र बालकले त्यहीँबाट पेट्रोल सेवन गरेको परिवार स्रोतले जनाएको छ ।
पेट्रोल सेवनबाट बेहोस भएका ति बालकलाई सिंगटी अस्पतालमा सामान्य उपचारपछि थप उपचारका लागि धुलिखेल अस्पताल, दोलखा अस्पतालमा ल्याइएको थियो । उपचारका क्रममा बालकको मृत्यु भएको दोलखा प्रहरीले जनाएको छ । मृतक बालकको शव हाल अस्पतालमै राखिएको छ ।
