Gaurishankar Post
समाचार

प्रेमसम्बन्धकै कारण दोलखामा प्रेमिकाका आफन्तद्धारा घाँटी रेटेर युवकको हत्या

श्याम खतिवडा
दोलखा २८ माघ

दोलखाको शैलुङ गाउँपालिका ४ मा प्रेमसम्बन्धकै कारण प्रेमिकाका आफन्तले एक युवकको घाँटी रेटेर हत्या गरेका छन् ।
गएको पुस ११ गते विभत्स हत्या भएका दोलखाको शैलुङ गाउँपालिका–४ मागाका १९ वर्षीय भिष्म भण्डारीलाई प्रेम सम्बन्ध राखेकै कारण प्रेमीकाको परिवारले घाँटी रेटेर हत्या गरेका हुन् । जिल्ला प्रहरी कार्यालय दोलखाले आइतबार पत्रकार सम्मेलनको आयोजना गरी उक्त घटना विभत्स हत्या भएको तथ्य र जसमा संलग्न दोषीहरु सार्वजनिक गरेको छ ।
हत्या अभियोगमा पक्राउ परेका शैलुङ गाउँपालिका—५ काटाकुटीका पुस्कर नेपाली, ईश्वर नेपाली र विशाल नेपालीलाई दोलखा प्रहरीले आइतबार सार्वजनिक गरेको हो । उनीहरुले गत पुसमा शैलुङ गाउँपालिकाका वडा नम्बर–४ का १८ वर्षीय युवक भीष्म भण्डारीलाई खुकुरीले घाँटीमा रेटेर हत्या गरेको बयान दिएका छन् । दोलखाका प्रहरी प्रमुख, दीपक खड्काले युवकको हत्यामा उनीहरुको संलग्नता रहेको र सो हत्याकाण्ड प्रेम सम्बन्धको कारण भएको बताए ।
यसरी गरिएको थियो भण्डारीको हत्या
प्रहरीका अनुसार गत पुस ११ गते राति युवक भीष्म १७ वर्षीया प्रेमिकाको काटाकुटीस्थित घरमा गएर बसेका थिए । गाउँको पुजामा गएका किशोरीका बुबा पुष्कर र ठुलोबुबा ईश्वर नेपाली मादकपदार्थ सेवन गरी घर आइपुग्दा भण्डारीलार्ई छोरीसँगै देखेपछि वादविवाद भएको प्रहरीले जारी गरेको प्रेस नोटमा उल्लेख छ । विवादपछि किशोरीका ठुलोबुबाका छोरा बिशाल नेपाली पनि ति बालिकाका घरमा पुगेका थिए । त्यसपछि तिनजना भएर उसलाई एकान्त तर्फ लगिएको र विशालले घरबाट खुकुरी ल्याइ भीष्मलाई नजिकैको भट्टे भनिने ठाउँमा घाँटी रेटेर हत्या गरेका अनुसन्धानमा खुलेको प्रहरीले जनाएको छ । त्यसपछि नजिकैको धारोमा लगेर शरिर र घाँटी छुट्टिएको भण्डारीको शवबाट रगत बगुन्जेल पानीले बगाएर घटनास्थलमा कुनैपनि प्रमाण नरहने गरी सबै सरसफाई गरिएको आरोपीतहरुले प्रहरीसँगको बयानमा बताएका छन् । त्यसपछि बिशालले मोवाइलको टर्च देखाएर इश्वरले मृततकको शव र पुस्करले टाउको बोकी नजिकैको बोजीनी खोलामा लगेर फालेका थिए ।
भण्डारीको घाँटि रेटेर अलग गरिएको र शरीरका बिभिन्न भागमा गम्भीर चोट लागेको अवस्थामा पौष १६ गते शव फेला परेको थियो । शैलुङ गाउँपालिका–५ काटाकुटीस्थित बिरेन्द्र मावी नजिकै बजिनी खोल्सामा युवकको शव फेला परेको थियो । भण्डारीको शव टाउको छुटिएको, अनुहारमा गम्भीर चोट लागेको, देव्रे हातका तीनवटा औंला नभएको, दायाँ हातको बुढी औंला र चोर औंलाको वीचमा चिरिएको अवस्थामा फेला परेको थियो ।

मृतक शैलुङ गाउँपालिका–४ मागाका १९ वर्षीय भिष्म भण्डारी

याे पढ्न छुटाउनु भयाे की ?

लोकतान्त्रिक बाम गठबन्धन दोलखाको अपिल

sanjeet

दोलखा उद्योग वाणिज्य संघको वार्षिक समिक्षा, पुर्व अध्यक्ष कार्कीकै कारण संघ नबिकरण नभएको पुष्टी

shyam khatiwada

दोलखाका मुख्य दलले टुंग्याए उम्मेद्वार,यी हुन सिफारिसमा परेका नेता

shyam khatiwada
Gaurishankar Post