Gaurishankar Post
ब्रेकिंग

बाबरेका क्यान्सर पिडित बालकलाई कालिञ्चोक सरोकार समाजको आर्थिक सहयोग


दोलखा १७ जेठ
लामो समयदेखि ब्लड क्यान्सरका कारण अस्पतालमा छटपटाइरहेका दोलखाको कालिञ्चोक गाउँपालिका २ बाबरे निबासी पदम थामीका छोरा अर्बिन थामीको उपचारका लागि कालिञ्चोक सरोकार समाजले नगद सहयोग गरेको छ ।
सोमबार सरोकार समाजका पदाधिकारीहरु सहितको टोली अर्बिनको उपचार भैरहेको कान्ति अस्पतालमा पुगेर नगद १० हजार सहयोग गरेका हुन् । कालिञ्चोक सरोकार समाजले अभियान चलाएको विपत व्यवस्थापन तथा उद्दार कोषबाट बाललको उपचारका लागि सहयोग गरिएको सरोकार समाजका विपत व्यवस्थापन संयोजक टेकराज शिवाकोटीले जानकारी दिए । उनका अनुसार सरोकार समाजका तर्फबाट अस्पताल व्यवस्थापन टिम सँग पनि बालक थामीको उपचारका लागि सहज गरिदिन आग्रह समेत गरिएको छ । अर्बिन थामी साबिक बाबरे गाविसका पुर्व उपाध्यक्ष चित्र बहादुर थामीका नाति हुन् । लामो समय देखि क्यान्सरले थलिएका अर्बिनको उपचारमा मोटो रकम खर्च भएपछि परिवारले समेत सहयोगको अपिल गरेको छ । कालिञ्चोक सरोकार समाजले अर्बिन बचाउन आबश्यक पहल गर्ने समेत जनाएको छ । क्यान्सर पिडित बालकलाई सहयोग हस्तान्तरण गर्न सरोकार समाज विपत व्यवस्थापन संयोजक टेकराज शिवाकोटी , संस्थाका सचिब हरि खतिवडा , समाजका पदाधिकारीहरु दिपक खुलाल , बिमल थापा लगाएत सहभागी थिए । समाजले कोभिड र अन्य गम्भिर प्रकृतिका रोगिहरुलाई सहयोग गर्ने अभियान चलाएको छ ।

याे पढ्न छुटाउनु भयाे की ?

एमालेको १० औं महाधिबेशनका लागि दोलखाबाट सबै प्रतिनिधि सर्बसम्मत

shyam khatiwada

प्रेस युनियनका महासचिब शिवाकोटीद्धारा कांग्रेस केन्द्रिय सदस्यमा उम्मेद्धारी घोषणा, मतदानका लागि सबैमा अपिल

shyam khatiwada

वैतेश्वर जग्गा प्रकरण , छानविन समितिले गर्यो प्रतिबेदन सार्वजनिक

shyam khatiwada
Gaurishankar Post