Gaurishankar Post
ब्रेकिंग

बैदेशिक रोजगारीमा जाँदा हात गुमाएका थामीलाई पिसानी मिल सहयोग


दोलखा पौष, २
बैदेशिक रोजगारीका सिलसिलामा मलेसियाको एक कम्पनीमा दुर्घटना हुँदा हात गुमाएर घर फर्केका दोलखाको कालिञ्चोक गाउँपालिका १ का दुर्गा थामीलाई जिविकोपार्जनका लागि पिसानी मिल सहयोग गरिएको छ ।
दुर्घटनामा हात गुमेपश्चात जिविकोपार्जनका लागि समेत धौ धौ परेका २३ वर्षिया युवा थामीलाई कालिञ्चोकमा सकृय सामाजिक संस्था नामसालिङ सामुदायिक विकास केन्द्रले विद्युतिय पिसानी मिल सहयोग गरेको हो । थामिले उक्त मिल आफ्नो समुदायमा अन्न पिस्ने प्रयोजनका लागि प्रयोग गरी जसबाट प्राप्त ज्याला बाट आयआर्जन गर्न सक्ने भएकाले उपलब्ध गराइएको संस्थाका जिल्ला संयोजक राजन केसीले जानकारी दिए । विद्युतिय करेन्टबाट चल्ने उक्त मिल गाउँघरमै चल्ने भएपछि स्थानीय बासिन्दालाई समेत सहज भएको कालिञ्चोक १ का वडाअध्यक्ष पदम थामीले बताएका छन् । उनका अनुसार वडाका सबै समुदायमा मिलको पहुँच नभएकाले उक्त मिल सञ्चालन हुँदा सहज हुने छ ।
परिवारको आर्थिक अवस्था समेत अत्यन्त न्युन भएका दुर्गा गरिबिकै कारण परिवार पाल्न स्रोत जुटाउने सपना बोकेर बैदेशिक रोजगारीमा गएका थिए । उनको सपना पुरा हुनु त कता हो कता उल्टै गरिखाने हात समेत गुमाएर फर्किएपछि जिविकोपार्जनकै लागि पनि उनलाई सहयोग गरिएको नामसालिङ सामुदायिक विकास केन्द्रका परियोजना संयोजक विनोद निरौलाले जानकारी दिए । उनका अनुसार संस्थाको व्यवसाय प्रबद्र्धन सहयोग कार्यक्रम अन्तर्गत गरिब, असहाय तथा अपांगहरुलाई जिविकोपार्जनमा दिर्घकालिन सहयोग गरिदै आएको छ ।
मिल सहयोग पाएपछि दुर्गाले अहिले आफ्नो समुदायमा सञ्चालन गरिसकेका छन् । अन्न पिसेवापत त्यसबाट प्राप्त ज्यालाले घरपरिवार पाल्न सहयोग पुग्ने भन्दै दुर्गाले खुसी व्यक्त गरेका छन् । उनले सहयोगी संस्थालाइ धन्यवाद दिएका छन् ।
नामसालिङले विगत ९ वर्षदेखि दोलखाको कालिञ्चोक गाउँपालिका स्थित ३ वटा वडाहरु १, ५ र ६ मा स्थानीय बासिन्दाको जिवनस्तर उकास्ने खालका दर्जनौं परियोजनाहरु सञ्चालन गर्दै आइरहेको छ । एकिकृत सामुदायिक विकास , व्यवसाय प्रबद्र्धन, जलवायु अनुकुल खेति प्रणाली , पशुपालन , सहकारी मार्फत आय आर्जन बृद्धि जस्ता परियोजनाहरु नमुनाका रुपमा रहेको स्थानीयहरु बताउछन् ।

याे पढ्न छुटाउनु भयाे की ?

दिपजंग सहकारीको साधारण सभा, अध्यक्षमा कर्ण थामी चयन

shyam khatiwada

मोटरसाइकल र जिप ठोक्किँदा दोलखाको विगुका एक युवकको मृत्यु

shyam khatiwada

दोलखा प्रहरीलाई विपत प्रतिकार्यका लागि अत्याबश्यक सामाग्री सहयोग

shyam khatiwada
Gaurishankar Post