Gaurishankar Post
कला र संस्कृति समाचार

भीमेश्वरको शिलामा एक वर्ष नपुग्दै २ पटक पसिना

दोलखा ९ मंसिर
दोलखाको प्रशिद्ध धार्मीक स्थल भीमेश्वर मन्दिरको शिलामा एक वर्ष नपुग्दै २ पटक पसिना आएको छ ।
भीमेश्वरको शिलामा यस अघि गत वर्षको फागुन ८ गते आएको पसिना एक वर्ष पुरा नहुदै मंगलबार पुन लामो समयसम्म पसिना आएको हो । गतबर्ष पनि घण्टौंसम्म आएको पसिनाले देशमा कोरोना भाइरस भित्रीएको भीमेश्वर क्षेत्रका जेष्ठजनहरुले बताउदै आएका छन् । मंगलबार दिउँसो १ बजेर ४३ मिनेटदेखि भीमेश्वरको शिलामा निरन्तर आएको पसिना ३ बजेर ५४ मिनेट जाँदा रोकिएको मन्दिर क्षेत्रका स्थानीय समेत रहेका भीमेश्वर २ का वडाअध्यक्ष बिराजमान श्रेष्ठले जानकारी दिए । लगातार पसिना आएपछि मन्दिर व्यवस्थापन पक्ष र स्थानीयले विविध पुआ आजा सँगै आरधना गरेका थिए ।
मन्दिरको मुर्तीमा पसिना आएपछि दोलखाका प्रमुख जिल्ला अधिकारी रमेश प्रसाद शिवाकोटी सहितको सरकारी टोली मन्दिर परिसर दोलखा बजार पुगेको थियो । शिलामा आएको पसिनाका बारेमा सरकारी टोलीले राष्टपति कार्यालयलाई जानकारी गराएको र प्राप्त निर्देशनका आधारमा क्षमा पुजा गरिने एक अधिकारीले बताएका छन् । कोभीडका कारण लामोसमयदेखि भीमेश्वर मन्दिर बन्द गरिएको भएपनि केहीसमय अघिदेखि नियमित पुजाआजा हुदैं आएको थियो । तर सर्वसाधरणलाई भने खुल्ला नगरिएको स्थानीय भरत नारायण प्रधानले बताए । उनका अनुसार मंगलबार दिउसो सुरुमा शिलाको देब्रे भागबाट आएको पसिना केहीबेरमा रोकिएको र त्यसपछि दुबै तिरबाट लगातार पसिना आएको थियो । भीमेश्वरको पसिनालाई विगतमा राजपरिवार तथा सरकार सँग जोडेर अनिष्टको संकेत या कुनै ऐतिहाँसीक तथा युगान्तकारी परिवर्तन हुने जनविस्वास रहँदै आएको छ । तर यो पटकको पसिना दुबै भागबाट आएकाले संकेत शुभ या अशुभ भनेर छुट्टयाउन सक्ने अवस्था नरहेको मन्दिरका पुजारीहरुको तर्क छ ।

याे पढ्न छुटाउनु भयाे की ?

दोलखा उद्योग वाणिज्य संघको वार्षिक समिक्षा, पुर्व अध्यक्ष कार्कीकै कारण संघ नबिकरण नभएको पुष्टी

shyam khatiwada

ढलानको काम सुरु हुने भएपछि सुनखानी साङ्बा सडक बन्द हुने

shyam khatiwada

क्यान्सर पिडित महिलालाई तरुण नेता खड्काको आर्थिक सहयोग

shyam khatiwada
Gaurishankar Post