Gaurishankar Post
Image default
अर्थ र बाणिज्य नेपाल समाचार

माथिल्लो तामाकोसीबाट पुर्ण क्षमतामा विद्युत उत्पादन सुरु


४ युनिटको आम्दानी दैनिक २ करोड ६१ लाख ,२ युनिटको विद्युत परिक्षणमा ।
श्याम खतिवडा
दोलखा २ भदौ

स्वदेसी लगानीमा निर्माण सम्पन्न भएको दोलखाको लामाबगरस्थित बहुचर्चित माथिल्लो तामाकोसी जलविद्युत आयोजनाका ६ वटै युनिटका सबै टर्वाइन सञ्चालनमा आएसँगै पुर्ण क्षेमतामा विद्युत उत्पादन सुरु भएको छ ।
असार २१ गतेबाट पहिलो युनिटको ७६ मेगावार्ट विद्युत उत्पादन सुरु गरेको आयोजनाले क्रमश ६ वटै युनिट चार्ज गरि पुर्ण क्षेमता अर्थात ४५६ मेगावार्ट विद्युत उत्पादन सुरु गरेको हो । आयोजनाका उपप्रबन्धक इन्जिनियर बिमल गुरुङका अनुसार मंगलबारदेखि ६ वटै युनिटबाट पुर्ण क्षेमतामा विद्युत उत्पादन सुरु भएको छ । उत्पादित सबै विद्युत गोंगर खिम्ती ढल्केबर प्रसारणलाइनमार्फत नेशनल ग्रिडमा जोडिएको छ । आयोजना उद्ध्घाटन भएको १ महिना १० दिनभित्रै सबै युनिटबाट विद्युत उत्पादन गर्न सफल भएको उपप्रबन्धक गुरुङले बताएका छन् । नयाँ पत्रिका सँग कुरा गर्दै गुरुङले भने “तोकिएको समयमा सबै युनिटबाट विद्युत उत्पादन गर्न थुप्रै चुनौतिहरु थिए , तैपनि सबै चुनौतिलाई सामना गर्दै विद्युत उत्पादन गर्न सफल भयौं” । गुरुङले हाल खिम्तीदेखि ढल्केबरसम्मको प्रसारणलाइनमा सामान्य कामहरु बाँकी रहेपनि उत्पादित विद्युत भने नियमित प्रवाहा भैरहेको जनाएका छन् । उनका अनुसार ति क्षेत्रमा ट्रान्सफर्मर अपग्रेड गर्ने जस्ता सामान्य कामहरु भैरहेको बताएका छन् ।
४ युनिटबाट दैनिक २ करोड ६१ लाख आम्दानी
आयोजनाबाट उत्पादित ४ सय ५६ मेगावार्ट विद्युतमध्ये ४ युनिटको ३ सय ४ मेगावार्ट विद्युतबाट आयोजनाले बुधबारदेखि प्रतियुनिट ३ रुपैंया ६३ पैसाका दरले दैनिक २ करोड ६१ लाख रुपैंया आम्दानी गर्न थालेको छ । उपप्रबन्धक गुरुङका अनुसार ४ वटै युनिटबाट उत्पादित विद्युत नेपाल विद्युत प्राधिकरणले फरक फरक समयमा १५ दिन परिक्षण गरिसकेको र चौथो युनिटको पनि परिक्षण सम्पन्न भएपछि बुधबार देखि उल्लेखित आम्दानी सुरु भएको बताएका छन् । उनका अनुसार उत्पादीत विद्युत बापतको आम्दानी हरेक वर्ष ३ प्रतिशतका दरले वृद्धि हुदै जाने सम्झौता छ । अगामी आर्थिक वर्ष वर्षा याममा सम्झौता अनुसारको मुल्य वृद्धि हुँदा आयोजनाको आम्दानी प्रतियुनिट ३ रुपैंया ७४ पैसा हुने आयोजनाका अधिकारीहरुले जनाएका छन् ।
दुई युनिट परिक्षणमा, भदौ तेस्र्रो साताबाट दैनिक ३ करोड ९७ लाख आम्दानी
आयोजनाका २ वटा युनिटबाट उत्पादित १ सय ५२ मेगावार्ट विद्युत अहिले परिक्षणमा रहेको छ । उपप्रबन्धक गुरुङका अनुसार भदौ तेस्र्रो साताबाट सबै युनिटको उत्पादित विद्युत बापतको आम्दानी प्रतिदिन ३ करोड ९७ लाख २६ हजार ७ सय बिस रुपैंया हुने छ । गुरुङले यो आम्दानी बर्षातको मौसम अर्थात बैशाख देखि मंसिरसम्म लागु हुने र सुख्खा मौसममा भने दैनिक ५ देखि ६ घण्टामात्र विद्युत उत्पादन गरिने भएकाले आम्दानी पनि घट्न सक्ने बताएका छन् । उनका अनुसार सुख्खा याममा प्रतियुनिट ६ रुपैंया ९६ पैसाका दरले आम्दानी हुनेछ । उक्त मुल्य अर्को वर्ष ३ प्रतिशतले वृद्धि हुँदा ७ रुपैंया १७ पैसा पुग्ने छ ।
११ वर्षपछि उत्पादन
आयोजनाले उत्पादन गरेको विद्युत गोंगरस्थित विद्युतगृहबाट २२० केभी डबल सर्किट प्रसारण लाइनबाट न्यू खिम्ती सबस्टेसन पुर्याइएको छ । त्यहाँबाट खिम्ती–ढल्केबर प्रसारण लाइनबाट ढल्केबरको सबस्टेसनमा जोडिएको छ । २०६७ भदौ १७ गतेबाट मुख्य सिविल संरचनाको निर्माण सुरु गरिएको आयोजनामा ११ वर्षपछि विद्युत उत्पादन भएको हो ।
स्वदेसी लगानीमा निर्माण सुरु भएको माथिल्लो तामाकोसी जलविद्युत आयोजनाको सुरुवाती लागत ३५ अर्ब २९ करोड प्रक्षेपण गर्दै निर्माण सुरु भएको थियो । २०६७ मा ३५ अर्ब २९ करोडको आयोजना २०७५ मा पुग्दा ब्याज सहित ४९ अर्ब २९ करोड पुगेको प्रवक्ता न्यौपाने बताउछन् । त्यसपछि ५२ अर्ब प्रक्षेपण गरिएको आयोजनामा ३२ अर्ब ब्याज जोडिदा अहिले माथिल्लो तामाकोसीको कुल लागत ८४ अर्ब पुगेको जनाइएको छ । उपप्रबन्धक गुरुङले ठेकेदार कम्पनीले समयमा काम नगर्नु , भुकम्प नाकाबन्दी र विगत वर्ष देखि सुरु भएको कोभिड महामारीका कारण पनि केही लागत वृद्धि भएको बताएका छन् ।

याे पनि हेर्नुहोस

दोलखामा सर्बाधिक राशिको स्व.नन्दप्रसाद स्मृति पत्रकारिता पुरस्कार घोषणा

shyam khatiwada

लापिलाङका पहिरोपिडितलाई कांग्रेस सांसद जिपछिरिङ लामाको राहत सहयोग

shyam khatiwada

खतिवडा नेपाली कांग्रेस तरुण विभागको केन्द्रिय सदस्यमा नियुक्त

shyam khatiwada
गाैरीशंकर पाेष्ट
Online News Portal