Gaurishankar Post
ब्रेकिंग

माैरिससका लागि अवैतनिक राजदूतमा गणेश कार्की नियुक्त

काठमाडाैं । सिंगटी हाइड्रोका कार्यकारी निर्देशक गणेश कार्की माैरिससका तर्फबाट नेपालका लागि अवैतनिक वाणिज्यदूत नियुक्त भएका छन् । 

नेपाल सरकार र माैरिसस सरकारको मन्त्रिपरिषद् बैठकले कार्कीलाई महावाणिज्यदूतमा नियुक्त गरेको हो । 

मौरिससले पठाएको पत्रको आधारमा नेपालस्थित परराष्ट्र मन्त्रालयले कार्कीलाई बिहीबार (भदौ ४ गते) देखि काम सुरु गर्न भन्दै नियुक्तिपत्र दिएको छ । उनको कन्सुलर क्षेत्र २०८१ भदौ ३ गते (सन् २०२४ अगष्ट १९) सम्म काठमाडौं उपत्यका (काठमाडौं, ललितपुर र भक्तपुर) कायम रहने उल्लेख छ ।

परराष्ट्र मन्त्री प्रदिपकुमार ज्ञवालीले गणतन्त्र मौरिससका राष्ट्रपति पृथ्वीराजसिं रुपुनले पठाएको पत्रको आधारमा काठमाडौं उपत्यकामा अवस्थित हुने गरी कार्कीलाई अवैतनिक वाणिज्यदूत नियुक्त गरेका हुन् । 

उनी स्वतन्त्र उर्जा उत्पादकहरुको संस्था (इपान)का उपाध्यक्ष समेत हुन् । 

माैरिससका लागि वाणिज्यदूत नियुक्त भएपछि कार्कीले लुम्बिनी भ्वाइससँगको कुराकानीमा भने, ‘माैरिससको नेपालमा दुतावास छैन् । मैले अव नेपालबाट गर्नुपर्ने काम तथा सहजीकरण गर्नेछु । दुबै देशको हीतका निम्ति केहि नयाँ गर्ने प्रयास गर्नेछु । अधिकांश जनसंख्या हिन्दू रहेको अफ्रिकी मुलुक मौरिसस पर्यटनका लागि आकर्षक ठाउँ हो । त्यहाँबाट नेपालमा पर्यटन भित्र्याउनका लागि पनि मैले सक्दो प्रयास गर्नेछु ।’

याे पढ्न छुटाउनु भयाे की ?

भीरबाट खसेको ढुंगाले घर थिच्दा दोलखाको सिंगटीमा एक महिलाको मृत्यु

shyam khatiwada

आयोजना प्रभावितहरुका लागि खुल्यो सिंगटी खोलाको आइपिओ

shyam khatiwada

अधुरो कार्यकाल पूरा गरि सुदृढ कांग्रेस बनाउन सचिबमा उम्मेदवारी दिए- आचार्य

shyam khatiwada
Gaurishankar Post