दोलखा १४ बैशाख नेपाली कांग्रेसका नेता एवं भीमेश्वर नगरपालिका २ का वडा अध्यक्ष उम्मेदवार भरत नारायण प्रधानले दोलखा बजारलाई मुलुककै प्राचिन शहरका रुपमा विकास गरिने बताएका छन् । बैशाख ३० गते हुने स्थानीय तहको निर्वाचनमा भीमेश्वर नगरपालिका २ का वडा अध्यक्ष उम्मेद्वार प्रधानले यस्तो बताएका हुन् । उनले संस्कार संस्कृति र परम्पराको जगेर्ना गर्दै दोलखा बजारलाई मुलुककै पर्यटकिय गन्तब्यका रुपमा विकास गरिने बताएका छन् । एक कार्यक्रमका अवसरमा प्रधानले सबै जातजाती भाषाभाषी र भेषभुषाको संरक्षणमात्रै होइन तिनै संस्कृति र भेषभुषाको आधारमा समृद्ध दोलखा बजार सहित सिंगो वडाको विकासका लागि आफु नेतृत्वको टोली ५ वर्षसम्म खटिने जनाएका छन् । वडाअध्यक्ष उम्मेद्वार प्रधानले दोलखा भीमेश्वरको पहिचान अन्तराष्ट्रिय स्तर सम्म पुर्याएर दोलखालाई समृद्ध बनाउन आफुसँग थुप्रै योजनाहरु रहेको बताउदै सो कार्यका लागि वडाअध्यक्ष पदमा मतदान गर्न आह्वान समेत गरेका छन् । उनि नेपाली कांग्रेस सहितको गठबन्धनका उम्मेदवार ईश्वर मानन्धरको प्यानलबाट चुनाबी मैदानमा छन् । सालीन स्वभाव , उच्च क्षमता , समझदारीपन र गरिब दुखीका पर्यायका रुपमा परिचित प्रधान भीनपा २ का प्रभावशाली नेता हुन् । उनको एमाले र माओबादीका उम्मेद्वारहरुबिच प्रतिपर्धा भएपनि निर्वाचनमा उनकै पक्षमा माहोल देखिएकोले प्रधानले विजय हाँसील गर्ने विपक्षी नेताहरुले बताएका छन् ।
मुलुककै प्राचिन शहरको रुपमा दोलखा बजारको विकास गर्छौं – भरत प्रधान
