दोलखा १५ बैशाख,,,
नेकपा एमाले दोलखाका सचिब एवं मेलुङ गाउँपालिकाका अध्यक्ष उम्मेद्वार हिरा कुमार थोकरले यो पटक सजिलै निर्वाचन जित्ने दाबी गरेका छन् ।
घरदैलो अभियानका क्रममा बस्ती बस्ती पुगेर उम्मेद्वार थोकरले आफुहरुको पक्षमा जनलहर र मेलुङ विकासको स्पस्ट खाका रहेकाले यो निर्वाचनमा ठुलो मतान्तरले निर्वाचन जित्ने बताएका हुन् । उनले ग्रामिण्म विकासको क्षेत्रमा आफुहरुसँग लामो अनुभव रहेकाले बाँकी समय सबै मेलुङ को विकासमा खर्चिने जनाउदै यस अघि बाँकी रहेका सबै कामहरु क्रमश पुरा गर्ने जनाएका छन् । नेकपा एमाले दोलखामा फरक पहिचान र बेग्लै छबि बनाउन सफल नेताका रुपमा परिचित थोकर गाउँमा पनि उत्तिकै पपुलर छन् । एमालेले थोकरलाई अध्यक्ष र लामो समय सञ्चार क्षेत्रमा अनुभव बटुलेकी पत्रकार गायत्री आचार्यलाई उपाध्यक्षको उम्मेद्वारको रुपमा अघि सारेको छ । मेलुङ मा गठबन्धनका तर्फबाट रबिन्द्र कार्की र भक्त बहादुर तामाङ चुनावी प्रतिष्पर्धामा छन् । गठबन्धनका उम्मेद्वारहरु पनि उत्तिकै सकृयताका साथ जनताको घर आँगनमा पुगिरहेका छन् ।
यो पटक सजिलो गरि निर्वाचन जित्छौं – एमाले सचिब हिरा थोकर
