श्याम खतिवडा
दोलखा २२ साउन,,,
दोलखाका ९ वटै स्थानीय तहहरुमा व्यापक रुपमा फैलिदै गएको ‘लम्पी स्किन’ रोगका कारण ६ सय ९६ पशु चौपाय मरेका छन् भने १९ हजार ६ सय २२ पशुहरुमा संक्रमण देखिएको छ ।
लम्पी स्किनका कारण जिल्लाका सबै स्थानीय तहहरुमा गरि ६ सय ९६ पशुहरु मरेका र १९ हजार ६ सय २२ पशुहरुमा संक्रमण देखिएको हो । उक्त रोगका कारण धेरैजसो गाइ , गोरु र पाडा बाछाहरु धेरै प्रभावित भएका छन भने पछिल्लो समय भैसिमा पनि संक्रमण हुन थालेको पशु स्वास्थ्य प्राविधिकहरु बताउछन् । कालिञ्चोक गाउँपालिकाको पशु स्वास्थ्य शाखाकी प्रमुख संगिता बस्ननेतका अनुसार लम्पी स्किन सुरुवात देखि नै गाइ र गोरुमा संक्रमण देखिएको र पछिल्लो समय भैंसिमा समेत सर्दै गएको छ । कालिञ्चोकमा मात्रै २९ सय पशुहरुमा उक्त रोगको संक्रमण भएको छ भने १ सय २ वटा पशुहरु मरिसकेका छन् । शाखा प्रमुख बस्नेतका अनुसार लेखमा पालिएका चौरी गाइ समेत उक्त रोगका कारण मर्न थालेका छन् । जिल्लाको भीमेश्वर नगरपालिकामा पनि उक्त रोगको संक्रमण तिब्र रुपमा फैलिएको छ । नगरपालिका कार्यालयका अनुसार हालसम्म २ हजार ३ सय ४९ पशुमा संक्रमण फैलिएको र ५६ वटा मृत्यु भैसकेको छ । त्यस्तै गौरीशंकर गाउँपालिकामा संक्रमित पशुहरुको संख्या ४ हजार २ सय १६ पुगेको छ भने मर्ने पशुको संख्या ६९ रहेको गाउँपालिकाको पशु स्वास्थ्य शाखा प्रमुख पुर्णबहादुर पुर्वछानेले जानकारी दिए उनका अनुसार उक्त गाउँपालिकामा पहिलाको भन्दा संक्रमितको संख्यामा निकै कमी आएको हो । त्यस्तै शैलुङ गाउँपालिकामा संक्रमित पशुहरुको संख्या ४ सय ८५ छ भने उक्त रोगका कारण मरेका पशुहरु ३८ पुगेका छन् । जिल्लाको वैतेश्वर गाउँपालिकामा संक्रमित पशु १५ सय ३८ छन भने मर्नेको संख्या ६४ पुगेको छ , त्यस्तै जिरी नगरपालिकामा १६ सय ११ पशुमा संक्रमण तथा ३० वटा मरीसकेको तथ्याङ्क छ । विगु गाउँपालिकामा ३ हजार ४ सय ९७ पशुहरु संक्रमित भएको तथा १९७ पशुचौपाय मरिसकेको विगुका निमित्त प्रशासकिय अधिकृत पुजन अधिकारीले जानकारी दिए । मेलुङ गाउँपालिकामा १२ सय १० पशुमा संक्रमण भएको र ६१ पशु मरेको गाउँपालिकाले जनाएको छ ।
गोरुमा संक्रमण देखिएकाले खेति गर्नै समस्या
दोलखाका अधिकांस स्थानीय तहमा फैलिदै गएको लम्पी स्किन रोग धेरै जसो गाइ गोरुमा देखिएको र गोरु बिरामी हुदा या मर्दा किसानको खेतिपातीमा नराम्रो असर परेको छ । कालिञ्चोक गाउँपालिकाका अध्यक्ष अर्जुन शिवाकोटीले मध्य असार साउनमा गोरु संक्रमित हुदा सयौं रोपनि खेतियोग्य जग्गा बाझै बसेको जानकारी दिए । उनले विकट गाउँमा बारी जोत्ने ६याक्टर पुगि नसकेको र गोरु विरामी हुदा खेतबारी बाँझो छोड्न किसानहरु बाद्य भएको जनाएका छन् । कालिञ्चोकमा मात्र नभै जिल्लाका अधिकांस स्थानीय तहमा यो समस्या छ । लम्प िस्किन को दिर्घकालिन समाधान नगरे बेलैमा खाद्य संकट सिर्जना हुने जिल्लास्थित सरोकारवालाहरु बताउछन् ।
लम्पी स्किनका कारण दोलखामा ६ सय ९६ पशु मरे, १९ हजार ६ सय पशुचौपायमा संक्रमण
