Gaurishankar Post
समाचार

लापिलाङका पहिरो पिडितलाई कांग्रेस नेताहरुको सहयोग


दोलखा ७ लापिलाङ
पहिरोले थलिएका दोलखाको कालिञ्चोक गाउँपालिका ५ का पहिरो पिडितहरुलाई दोलखाका कांग्रेस नेताहरुले निरन्तर सहयोगको अभियाननै चलाएका छन् ।
पिडामा परेका लापिलाङबासीहरुलाई थोरै भएपनि मलहम लगाउन निरन्तर सहयोगको अभियाननै चलाएको नेपाली कांग्रेस दोलखाले जनाएको छ । नेपाली कांग्रेस कालिञ्चोक गाउँपालिका समितिको समितिको अगुवाइमा जिल्लाका युवा नेताहरुले राहत सहयोग गरिएको हो । एक महिना देखि पटक पटक आएका पहिरोले लापिलाङका ५ दर्जन भन्दा धेरै घरहरु पुर्ण तथा आंसिक क्षेति भएका थिए भने संयौ किसानहरुका खेतियोग्य जमिन बगरमा परिणत भएको थियो । नेपाली कांग्रेस कालिञ्चोक गाउँपालिका समितिका सभापति अर्जुन शिवाकोटीका अनुसार यति ठुलो विपतमा थोरै भएपनि सहयोग गरेर पिडितहरुको भावनामा मलहम लगाउने प्रयत्न गरिएको सुनाए । उनले यस अघि पनि कांग्रेसले निरन्तर सहयोग गरिरहेको जनाएका छन् ।
कांगे्रस दोलखाका युवा नेताहरुको पहलमा लापिलाङ पहिरो पिडितहरुलाई २ सय २५ बोरा चामल र २० थान न्यानो कम्बल बितरण गरेका छन । नेपाली कांगे्रस कालिञ्चोक गाउँपालिका सभापति अर्जुन शिवाकोटी , युवा नेता झलक बस्नेत, कांग्रेस नेतृ बिनिता अधिकारी , समाजसेबी एवं कालिञ्चोक सरोकार समाजका पदाधिकारी दिपक खुलाल नेताहरु टेकराज शिबाकोटी , रमेश शिवाकोटी , जगदिस खरेल लगाएतले सहयोग तथा पहल गरि सामाग्रीहरु वितरण गरिएको थियो । राहत वितरण कार्यक्रममा नेपाली कांगे्रस दोलखाका पार्टी प्रबक्ता रञ्जित कुमार पाठक र जिल्ला सदस्य राजु लामा कांगे्रस ,स्थानिय कांगे्रस नेता सहदेव खड्का लगायतको उपस्थिीतीमा लापिलाङमा एक भब्य समारोहको आयोजना गरि सामाग्री वितरण गरिएको हो ।

गाउँपालिकाको वडा नम्बर ५ लापिलाङका पहिरो पीडितलाई मंगलबार काठमाडौको धापासिमा रहेको ग्राण्डी टावरमा बसोबास गर्ने ब्यक्तिहरु, कालिन्चोक गाउँपलिका बासी र बिपि अध्ययन प्रतिस्ठानको पहलमा सङ्कलन गरिएको करिब ३ लाख बराबरको खाद्यान्न सामाग्री सहयोग गरेका छन।
यस अघि नेपाली कांगे्रस दोलखाले पहिरो जाने बितिकै बिचल्नीमा परेका ५५ घरपरिवारलाई त्रिपाल,जस्ता र खाद्यान बितरण गरेको थियो । स्थानिय नेपाली कांगे्रसका नेता सहदेव खड्काको पहलमा दुईपटक पहिरोपिडित नागरिकलाई खाद्यान बितरण गरिएको नेपाली कांगे्रस दोलखाले जनाएकोछ । पूर्व मन्त्रि एवं नेपाली कांगे्रसका नेता शंकर भण्डारी ,नेपाली कांगे्रसका नेता एवं संघिय संसद जिपछिरिङ लामाले खाद्यान,नेपाली कांग्रेसका युवा नेता एवम पार्टी सचिव बालकृष्ण आचार्य पहिरो पिडितलाई माक्स र खाद्यान्न सहयोग गरेको स्थानिय कांगे्रस नेता सहदेव खड्काले बताएकाछन ।
नेकपा नेतृत्वको स्थानीय सरकारले बेवास्ता गरेको पिडितहरुले गुनासो गरेको र आफुहरुले सहयोग गरेको बताउदै कांग्रेसले थप सहयोगका लागि पनि पहल कदमी गर्ने बताइएको छ । आर्थिक वर्ष सकिएको ३ महिना पुरा हुन लाग्दा पनि गाउँशभा हुन नसकेपछि कालिञ्चोक गाउँपालिका कार्यालयले मेसिन उपकरण बाहेक अरु कुनै सहयोग नगरेको पिडितहरुले जनाएका छन् ।

याे पढ्न छुटाउनु भयाे की ?

दोलखामा स्थानीय तहको पहिलो सुरुवात ,समपुरक कोष बनाएर सडक कालोपत्रे

shyam khatiwada

नामसालिङ् द्धारा कालिञ्चोकका कृषकलाई खाद्य सुरक्षा र पशुपालनमा सहयोग

shyam khatiwada

मेलुङ गाउँपालिकाको करिडोर सडक , ७ किलोमिटर ट्रयाग खन्न १ करोड

shyam khatiwada
Gaurishankar Post