दोलखा १५ जेठ
संस्कृतविद् डा. जगमान गुरुङलाई नेपाल ऋषीको उपाधिले सम्मान गरिएको छ ।
दोलखास्थित चरणावती त्रिवेणीधाम विकास तथा प्रवद्र्धन संघले डा. गुङलाई नेपाल ऋषीको उपाधिले सम्मान गरेको हो ।
त्रिवेणी धाम भएको श्रीमद्देवी भागवत् नवाह ज्ञान महायज्ञमा डा. गुरुङलाई संघले उक्त उपाधिबाट सम्मान गरेको हो । उनी यसघि उज्ज्वल कीर्तिमाय राष्ट्रदीप द्वितीय श्रेणी र सुप्रसिद्ध प्रवल जनसेवाश्री प्रथम श्रेणीबाट विभूषित भइसकेका छन् । उनलाई इतिहास, धर्म, दर्शन, संस्कृति, भाषा, सहित्य तथा कला वास्तुकलाको ज्ञाता मानिन्छ । महायज्ञको मुख्य वाचकका रुपमा संस्कृतविद् विदुषी प्राध्यापक डा. कान्ता भट्टराई सहभागि थिइन् । महायज्ञको सुरुवात भने डा. गुरुङले नै गरेका थिए । महायज्ञ गत ७ जेठबाट सुरु भएर १५ जेठमा समापन भएको थियो । चर्णावती धामस्थित ज्येष्ठ नागरिक सेवा केन्द्र सञ्चालन सञ्चालन गर्ने उद्येश्यले महायज्ञ लगाइएको थियो । महायज्ञमा एक करोड रुपैयाँ नगद र बाँकी एक करोड जिन्सी भेटीका रुपमा संकलन भएको समाजसेवी सोभित उप्रेतीले बताए । महिला तथा बालबालिका मन्त्रालय अन्तर्गत प्राप्त झण्डै तीन करोड रुपैयाँको लागतमा संघले धाममा ज्येष्ठ नागरिक सेवा केन्द्रका आवश्यक भवन बनाइसकेको छ । भवनमा १६ वटा आवास कोठा, सुविधा सम्पन्न भान्सा कोठा, तीन वटा सभा हल, पाँच वटा शौचालय बनेका छ । दोलखा शैलुङ गाउँपालिका वडा नम्बर ७ चर्नावती धामस्थित चर्नावती सामुदायिक बनको ४० रोपनी खाली पर्ती जग्गामा भवन निर्माण गरिएको छ । चर्नावती धाममा त्रेतायुगमा राम–सिताको पाइला परेको जनविश्वास छ । बनवासमा रहेका बेला आयोध्याबाट राम–सिता चर्नाणती आएका थिए । बनवासका बेला राम–सिताले खाना पकाउने गरेको चुल्हो अझै पनि धाममा सुरक्षीत रहेको छ । त्यस्तै, चामलको चौलानी बगाएको खोला, सिताको पाइला परेको ढुंगा पनि धाम रहेको स्थानीयको भनाई छ । त्यस्तै, चर्नावती धामलाई श्रृङ्गी ऋषीको वासस्थानका रुपमा पनि चिनिन्छ । त्रेता युगामा राजा रामको राज्यभिषेकका बेला श्रृङ्गी ऋषीले अयोध्या लगिएको थियो । त्यसबेला ऋषी अधेरी खोलाको शिरमा तपश्या गरिरहेका थिए । पछि उनको तपश्य स्थल हेर्न राजा राम र सिता चर्नावती आएको र सोही धाममा बास बसेको किंवदन्ती छ ।
