दोलखाको कालिञ्चोक गाउँपालिका वडा नम्बर २ बाबरेका खतिवडाहरुले सुरुवात गरेको कालिञ्चोक खतिवडा सेवा समाजको पहिलो साधारण सभा सम्पन्न भएको छ ।
शनिबार काठमांडौंस्थित पशुपति बहुमुखी क्याम्पसमा सम्पन्न साधारण सभाले श्याम प्रसाद खतिवडा(रेबन्ती) को नेतृत्वमा नयाँ कार्यसमिति समेत पुर्नगठन गरेको छ । खतिवडा सेवा समाज केन्द्रिय समितिका संस्थापक अध्यक्ष एवं खतिवडा परिवारकै जेष्ठजन कपिलनन्द खतिवडाको प्रमुख आतित्थ्यतामा सम्पन्न साधारण सभाको अवसरमा समाजले सार्वजनिक गरेको २०७९ सालको भित्ते पात्रो समेत विमोचन गरिएको छ । संस्था दर्ता ऐन २०३४ को दफा ४ बमोजिम चैतको दोस्र्रो हप्तामात्रै जिल्ला प्रशासन कार्यालय दोलखामा दर्ता भएको समाजले विधान बमोजिम पहिलो साधारण सभा सम्पन्न गरेको समाजका अध्यक्ष श्याम प्रसाद खतिवडा(रेबन्ती)ले जानकारी दिए । समग्र समाज , कुल र बन्धुत्वको विकास गर्ने उद्धेश्यले स्थापना भएको समाजले थुप्रै योजनाहरु अघि सारेको र ति सबै योजनाहरुलाई क्रमश कार्यान्वयन गर्दै लैजाने समाजको योजना छ ।
शनिबार पुर्नगठित समाजको अध्यक्षमा रेबन्ती भनिने श्याम प्र. खतिवडा उपाध्यक्ष द्धय हरि खतिवडा र केशव खतिवडा , महासचिब पर्वत खतिवडा , सचिबहरु उद्धब खतिवडा र अरुण खतिवडा कोशाध्यक्षमा कृष्ण खतिवडा तथा सहकोशाध्यक्षमा धुर्व खतिवडा सर्बसम्मत चयन भएका छन् । त्यस्तै कार्य समिति सदस्यहरुमा माधब खतिवडा , देबराज खतिवडा(राजु ), अम्बिकाभण्डारी खतिवडा , कैलाश खतिवडा ,दिपेश खतिवडा , दिनेश खतिवडा र कुशराज खतिवडा चयन भएका छन् ।
साधारण सभाले सल्लाहाकार समिति , लेखा समिति र विदेश समन्वय समिति समेत गठन गरेको छ ।साधारण सभामा महासचिब पर्वत खतिवडाले समाजको सांगठनिक प्रतिबेदन र कोशाध्यक्ष कृष्ण खतिवडाले आर्थिक प्रतिबेदन प्रस्तुत गरेका थिए । पुर्नगठित समितिको पदावधि ३ वर्षको हुने बैधानिक व्यवस्था रहेको समाजका उपाध्यक्ष हरि खतिवडाले जानकारी दिए ।
हेर्नुहोस कार्यसमितिका पदाधिकारी तथा सदस्यहरु ।
