श्याम खतिवडा,
दोलखा ३० भदौ…
दोलखाको गौरीशंकर गाउँपालिका ३ झ्याकुमा बोलेरो दुर्घट्ना हुँदा गम्भिर घाईते भएका दुई महिलाको मृत्यु भएको छ ।
दुर्घटनामा गम्भीर घाईते भएका गौरीशंकर गाउँपालिका–३ झ्याकुकी ७५ वर्षीया काली शेर्पा र ५५ वर्षीया पसि शेर्पाको मृत्यु भएको हो । गम्भीर घाईते भएका उनीहरुलाई उपचारका लागि सिंगटी अस्पतालमा ल्याईएकोमा आइतबार साँझ मृत्यु भएको ईलाका प्रहरी कार्यालय सिंगटीले जनाएको छ ।
प्रहरीका अनुसार सिंगटीबाट झ्याकु जाँदै गरेको बा २० च ७२६६ नम्वरको बोलेरो आइतबार बेलुकी करिव ५ बजे वडा नम्वर ४ को वडा कार्यालय नजिकै दुर्घटना हुँदा ६ जना घाईते भएका थिए । त्यसमध्य गम्भीर अवस्थाका दुई जनाको मृत्यु भएको हो । अन्य चार जना घाईतेमध्य एक जनाको सिंगटी अस्पतालमा उपचार भईरहेको छ भने अरु घाईतेलाई पनि प्राथमिक स्वास्थ्य केन्द्रमा सामान्य उपचार पछि थप उपचारका लागि सिंगटी ल्याइएको छ । दुर्घटनामा बोलेरो चालक निङ्मार शेर्पा , निङ्मा शेर्पा ,डिम्मा शेर्पा र अन्सु शेर्पा घाइते रहेको जिल्ला प्रहरी कार्यालय दोलखाका प्रवक्ता सत्रुघन कुमार महतोले जानकारी दिएका छन् ।
दोलखाको झ्याँकुमा बोलेरो जिप दुर्घटना, २ को मृत्यु ४ जना घाइते
