Gaurishankar Post
देश ब्रेकिंग

विकट गाउँ कालिञ्चोकको छिपुङमा पहिलोपटक पुग्यो यात्रुबाहक बस


दोलखा १ चैत,
दोलखाको विकट गाउँ कालिञ्चोक गाउँपालिका १ छिपुङमा पहिलो पटक यात्रुबाहक बस पुगेको छ ।
आइतबार एक समारोहका बिच पहिलो पटक छिपुङ पुगेको रोलवालिङ यातायातको बसलाई स्थानीयले भब्य स्वागत गरेका छन् ।

कालिञ्चोक गाउँपालिका वडा नम्बर १ का वडाअध्यक्ष बाबुलाल थामी र चरिकोटस्थित रोलवालिङ यातायात सहकारी संस्थाका अध्यक्ष बालकृष्ण आचार्य लगाएतका पदाधिकारीहरुको संयुक्त प्रयासमा पहिलोपटक दैनिक बस सेवा सुरु गर्न लागिएको हो । आइतबार पहिलोपटक छिपुङ पुगेको रोलवालिङ यातायातको ७९२५ नम्बरको बसलाई स्थानीयले भब्य रुपमा फुलमाला गरेर स्वागत गरेका थिए ।

भोलीदेखि राजधानी काठमांडौबाट कालिञ्चोकको छिपुङका लागि विहान ६ बजे निरन्तर बस सेवा सञ्चालन हुने रोलवालिङ यातायातले जनाएको छ । बस निरन्तर सञ्चालन गर्न सडकको अवस्थामा सुधार गर्दै लगिने कालिञ्चोक १ का वडा अध्यक्ष बाबुलाल थामीले बताएका छन् । छिपुङ सम्म दैनिक बस सेवा सञ्चालन हुँदा कालिञ्चोकको क्याङ्पोल, बेगुम्पा , तारेभिर , डुसीखर्क लगाएतका स्थानीयहरुलाई यात्रामा सहज हुने स्थानीय बसन्त थामीले जानकारी दिएका छन् ।

याे पढ्न छुटाउनु भयाे की ?

दोलखामा कांग्रेसबाट प्रतिनिधि सभामा बागी उम्मेदवार बनेका कार्कीको उम्मेदवारी फिर्ता

shyam khatiwada

भीमेश्वरको टिकटबारे दोलखा एमालेमा विवाद , जिल्ला अध्यक्ष बिरुद्ध ८ नेताको प्रदेश कमिटिमा उजुरी

shyam khatiwada

उद्योग वाणिज्य महासंघको प्रदेश सदस्यमा उम्मेद्धारी दिदै व्यवसायी रिमाल

shyam khatiwada
Gaurishankar Post