श्याम खतिवडा
दोलखा २८ भदौ,,
राष्ट्रिय प्रजातन्त्र पाटीका अध्यक्ष पशुपति शमसेर राणाले मुलुकमा प्रजातन्त्र कायम राख्ने हो राप्रपाको नेतृत्व आबश्यक रहेको बताएका छन् ।
गणतन्त्रका नाममा ठुला पाटीका नेतृत्व तहमा बसेर नागरिकका मौलीक हक र अभिब्यक्ति स्वतन्त्रता हनन गर्दै जाने र अन्तमा प्रजातन्त्र नै मास्ने खेल भैरहेको भन्दै अध्यक्ष राणाले राप्रपाको नेतृत्व आबश्यक रहेको जिकिर गरेका हुन् । अध्यक्ष राणाले इतिहाँसमानै पहिलोपटक कम्युनिष्ट पाटीको नेतृत्वमा बनेको दुई तिहाइको सरकारले विकास र समृद्धि ल्याउछौं भनेको ३ वर्ष पुरा नहुदै ३ टुक्रा हुनुपरेको सुनाउदै जनताले पुरानो र विस्वासिलो दल राप्रपालाई अबको म्याण्डेड दिने दाबी गरे ।
सोमबार राप्रपा दोलखाको जिल्ला अधिबेशनको उद्घाटन गर्न हेलिकप्टर चढेर चरिकोट पुगेका अध्यक्ष राणाले यस्तो बताएका हुन् । उनले आफ्नो पाटी राप्रपा अब एक ढिक्का भएको र नेतृत्वमा कुनै विवाद नरहेको बताएका छन् । प्रजातान्त्रिक विधि र प्रकृयाबाट हुने महाधिबेशनमा छनोट भएको नेतृत्वले सिंगो पाटी एक ढिक्का बनाएर लैजाने विस्वास ब्यक्त गरेका छन् । अधिबेशनमा केन्द्रिय नेताहरु बुद्धिमान पाख्रिन , सांसद राजेन्द्र लिङ्देन , केन्द्रिय कार्यसम्पादन समिति सदस्य सोभित उप्रेती लगाएतका नेताहरुले सरकार सञ्चालन गरिरहेको बर्तमान गठबन्धनले पनि मुलुकलाई उचित निकास दिन नसकेको जनाएका छन् । अधिबेशनमा केन्द्रिय सदस्यहरु जनकराज पाठक , शुन्दरप्रकाश खड्का, विजय खड्का , नवराज श्रेष्ठ ,प्रविण थोकर , बल बहादुर केसी लगाएतको सहभागिता थियो ।
जिल्ला संयोजक राजनबहादुर शिवाकोको अध्यक्षतामा सुरु भएको बन्दसत्रले नयाँ नेतृत्वको लागि सोमबारनै नेतृत्व छनोट गरिसक्ने जिल्ला सचिब भाष्कर पाण्डेले जानकारी दिए । यसअघि वडा , स्थानीय तह र प्रदेश सभा क्षेत्रको नेतृत्व छनोट भैसकेको दोलखाबाट केन्द्रमा प्रतिनिधित्व गर्ने केन्द्रिय सदस्य सोभित उप्रेतीले बताएका छन् । जिल्ला अधिबेशनमा सहभागि हुन दोलखाका सबै स्थानीय तहका प्रतिनिधिहरु सदरमुकाम चरिकोट आएका छन् ।
