दोलखा १५ जेठ
दोलखाको कालिञ्चोक गाउँपालिका ६ लापिलाङ निबासी भरत पाण्डेले कोरोना महामारीबाट आफ्नो गाउँ बचाउन गाउँको स्वास्थ्य क्षेत्रमा उल्लेखनिय सहयोग गरेका छन् ।
कोरोना महामारीबाट गाउँबासी जोगाउन पाण्डेले व्यक्तिगत लगानीमा स्वास्थ्य सामाग्री तथा विपन्न तथा गबि नागरिकहरुका लागि औषधी खरिद गरि उपलब्ध गराएका हुन् । यस्तो महामारीको समयमा पनि पाण्डेले आफ्नै खर्चमा कोभिड नियन्त्रणका लागि अत्याबश्यक स्वास्थ्य सामाग्रीहरु एन नाइन्टी फाइभ मास्क , हजारौंको संख्यामा सर्जिकल मास्क , फेस सिल्ड, अत्याबश्यक औषधीहरु स्थानीय स्वास्थ्य संस्थाको सिफारिसमा सयौं स्थानीय बासिन्दाहरुलाई वितरण गरेका छन् । उनका अनुसार कोरोना महामारीमा मात्रै स्वास्थ्य सामाग्री र नियमित तथा अन्य औषधी खरिद गर्दा झण्डै २० हजार रकम खर्च भैसकेको छ ।
एक दिर्घरोगी बालकलाई ३ वर्षदेखि माशिक ४ हजारको औषधी उपलब्ध गराउदै पाण्डे
मनकारी युवा भरत पाण्डेले कालिञ्चोक गाउँपालिका ६ निबासी एक बालकलाई मानशिक समस्या भएको र परिवारको आर्थिक अवस्था बच्चालाई नियमित औषधी खुवाउन नसक्ने भएपछि उनले माशिक ४ हजार रुपैंया खर्च गरि त्यो बालकलाई ३ वर्षदेखि औषधी उपलब्ध गराउदै आएका छन् । कालिञ्चोक गाउँपालिका ६ की इन्दुकुमारी विक का छोरालाई पाण्डेले बार्शिक झण्डै ५० हजार बराबरको औषधी उपलब्ध गराउदै आएको जानकारी दिए । पाण्डे नेपाल आर्मीका रिटायर व्यक्ति हुन । उनि हाल राजधानी काठमाडौं र गाउँमा आलोपालो बस्ने गरेका छन् । पाण्डे नेपाली कांग्रेस कालिञ्चोक गाउँपालिका ६ का सभापति समेत हुन तर गाउँबासीको समस्यामा सहयोग गर्न आफुले कुनै राजनीतिक स्वार्थ नराखेको सुनाउछन् । उनले भने म मेरो आस्थाको आधारमा कुनै दलमा आबद्ध होउँला तर मैले गर्ने काम राजनीतिमा मात्रै आधारित हुनुहुदैन ।
