Gaurishankar Post
ब्रेकिंग

दोलखामा मतगणनाको माग गर्दै गठबन्धनका उम्मेद्वार धर्नामा


दोलखा ७ मंसिर,,,
मंसिर ४ गते सम्पन्न आम निर्वाचनको मतगणनाको माग गर्दै दोलखामा लोकतान्त्रीक बाम गठबन्धनका उम्मेद्वारहरु धर्ना बसेका छन् ।
निर्वाचन सम्पन्न भएको ३ दिन पुरा भैसक्दा पनि मतगणना सुरु नगरेको भन्दै उम्मेद्वारहरु धर्ना बसेको हुन् । मतदान भएको ३ दिनसम्म मतगणना सुरु नगरेको भन्दै गठबन्धनका साझा उम्मेद्वारहरु प्रतिनिधि सभाका गंगा कार्की , प्रदेश क्षेत्र १ का कुन्दनराज काफ्ले र २ का बर्मा लामा धर्ना बसेका छन् । यसअघि मतगणनास्थल तोकिएको चरिकोटको गौरीशंकर क्याम्पस अगाडी गठबन्धनका उम्मेद्वार र अन्य केही नेता कार्यकर्ताहरु धर्नामा बसिरहेका छन् । निर्वाचनमा धाँदली भएको र गठबन्धनका कार्यकर्ताहरुले बुथ क्याप्चर गरी एकलौटी मत हालेको आरोप लगाउदै नेकपा एमालेका उम्मेद्वारले उजुरी गरेका थिए । उक्त उजुरी मुख्य निर्वाचन अधिकृतको कार्यालयले निर्वाचन आयोग पठाएको र आयोगले तत्काल मतगणना नगर्न भनेपछि मतगणना सुरु गर्न नसकिएको दोलखाका सहायक मतदान अधिकृत शिव पोखरेलले बताएका छन् । यता गठबन्धन दलका कार्यकर्ताहरुले भने तत्काल मतगणना सुरु गर्न माग गर्दै दैनिकै बिरोधका कार्यक्रम गरिरहेका छन् । गठबन्धन दलका युवा संगठनहरुले कहिले जुलुस त कहिले मोटरसाइकल ¥याली जस्ता बिरोधका कार्यक्रमहरु गर्दै निर्वाचन कार्यालय र मातहतका निकाय विरुद्ध नाराबाजी गरिरहेका छन् ।
एमालेको उजुरीउपर निर्वाचन आयोगले बुधबार आयोगका सहसचिब यज्ञप्रसाद भट्टराई नेतृत्वको तिन सदस्यीय टोली दोलखा पठाएको छ । उक्त टोलीले अध्ययन गरिरहेको र अध्ययनपश्चात प्रतिबेदन बुझाएपछि आयोगले निर्णय गर्ने मुख्य निर्वाचन अधिकृतको कार्यालयले जनाएको छ ।
गठबन्धनका तर्फबाट प्रतिनिधि सभा सदस्य पदका उम्मेद्वार गंंगा कार्कीले जिल्लाका सबै मतपेटिका सदरमुकाम भित्रीसकेको र मतदान केन्द्रहरुमा नियम अनुसार दलका सबै प्रतिनिधिहरुको रोहबरमा मुचुल्का गरी सौहार्दपुर्ण ढंगले निर्वाचन सम्पन्न हुँदा पनि अनेकन बाहानामा मतगणना रोकिनु लोकतन्त्रकै उपहास भएको बताएका छन् । उनले कानुनी राज्यको उपहास भएको भन्दै तत्काल गणना सुरु नगरे बिसौं हजार जनता सडकमा उत्रीने चेतावनी दिएका छन् ।
एमालेले भने केही निर्बाचन क्षेत्रमा पुःन मतदान हुनुपर्ने माग गरेको छ । मतदानका क्रममा झडप भएका मतदान केन्द्रहरुमा पुःन मतदान भएपछि मात्रै मतगणना हुने एमालेको उजुरीमा उल्लेख छ । यता कांग्रेसका केन्द्रिय सदस्य समेत रहेका दोलखा प्रदेश १ का उम्मेद्वार कुन्दन काफ्लेले तत्काल मतगणनाको वातावरण बनाउन निर्वाचन आयोग र मातहतका निकायहरुसँग माग गरेका छन् । उनले यस अघिको इतिहाँसमा दोलखामा कहिलेपनि पुन निर्वाचन नभएको र यो पटकको निर्वाचन सौहार्दपुर्ण ढंगले सम्पन्न भएको भन्दै अनाबश्यक लाञ्छना नलगाउन र हारको मानशिकता बनाएर जनतालाई दुख दिने काम नगर्न विपक्षी दललाई आग्रह गरेका छन् ।

याे पढ्न छुटाउनु भयाे की ?

सरकारी अस्पतालमा महंगो शुल्क लिएको भन्दै नागरिक समाजको विरोध

shyam khatiwada

स्पिकरको निहुँमा दोलखामा साउथ इण्डिएन फिल्मको सिको गरि साथीको हत्या

shyam khatiwada

दोलखामा गठबन्धनले भारी अन्तरले निर्वाचन जित्दैछौं – कांग्रेस नेता तारा खड्का

shyam khatiwada
Gaurishankar Post