Gaurishankar Post
ब्रेकिंग

मलेसियामा हात गुमाएका थामीलाई साढे ३ लाख आर्थिक सहयोग

रोजगारीको सिलसिलामा मलेसियामा आफ्नो हात गुमाउन पुगेका कालिञ्चोक गाउँपालिका वडा नम्बर–१ का दुर्गा थामीलाई साढे तीन लाख भन्दा धेरै आर्थिक सहयोग प्रदान गरिएको छ ।

नेपाल तथा विदेशमा रहेका आफन्त, साथीभाइ लगायतबाट सङ्कलन गरिएको ३ लाख ६२ हजार ७ सय ४० रुपैयाँ सहयोग रकम हस्तान्तरण गरिएको सहयोग सङ्कलम मध्येका एक बसन्त थामीले जानकारी दिनुभयो । बुधबार चरिकोटमा आयोजित एक कार्यक्रममा कालिञ्चोक गाउँपालिकाका अध्यक्ष अर्जुन प्रसाद शिवाकोटीले सहयोग रकम हस्तान्तरण गर्नुभएको हो ।

गत बर्ष रोजगारीको सिलसिलामा मलेसिया गएको करिब डेढ महिनापछि काम गर्ने क्रममा मेसिनले एउटा हात काटेका थामी केहि दिनअघि नेपाल फर्कनुभएको हो । २२ बर्षिय अविवाहित थामीको घरको आर्थिक अवस्था समेत राम्रो नभएपछि मलेसिया, साउदी अरब, कतार, भारत र नेपालमा बस्ने आफन्त तथा साथीभाइले आर्थिक सहयोग गरेका हुन् ।

दुर्घटनापछि रोजगारदाता कम्पनी र मेनपावर कम्पनीले कसैले पनि बिमा बापतको पैसा समेत नदिएको परिवारको गुनासो छ ।

याे पढ्न छुटाउनु भयाे की ?

दोलखामा जेष्ठ नागरिक सेवाकेन्द्र सञ्चालनका लागि देवि भागवत महायज्ञ सुरु

shyam khatiwada

घोक्सिला समाज र हिमालय सिमापार वाणिज्य संघद्धारा भीनपा ५ का जेष्ठ जनलाई सिरक वितरण

shyam khatiwada

बैदेशिक रोजगारीमा जाँदा हात गुमाएका थामीलाई पिसानी मिल सहयोग

shyam khatiwada
Gaurishankar Post