लिखु तामाकोसी गाउँपालिकाका विद्यालयहरुलाई स्वास्थ्य सामाग्री सहयोग

निर्मला नेपाली
२३ असोज मन्थली
रामेछापको लिखु तामाकोसी गाउँपालिकाका विद्यालयहरुलाई कोभीड १९ को संक्रमण रोकथामका लागि स्वास्थ्य सामग्री वितरण गरिएको छ ।
रामेछापको स्थानीय संस्था सहयोग नेपालको पहलमा लिखु तामाकोसीका झण्डै आधा दर्जन विद्यालयहरुलाई स्वास्थ्य सामाग्री वितरण गरिएको हो । सहयोग नेपालको पहलमा सुन्दर खड्का भनिने भोजराजले आर्थिक सहयोग उपलब्ध गराएपछि ति विद्यालयहरुमा स्वास्थ्य सामाग्री वितरण गरिएको हो । खड्काले उपलब्ध गराएको सहयोगबाट १६ सय थान सर्जिकल माक्स , आबश्यक सेनिटाइजर र डिटोल साबुन वितरण गरिएको सहयोग नेपालले जनाएको छ । आबश्यक स्वास्थ्य सामाग्री बोकेर सहयोग नेपालको टोली लिखु तामाकोसी गाउँपालिकाका विद्यालय पुगेको थियो ।
प्रत्येक विद्यालयको अवस्था अवलोकन गर्दै विद्यार्थी तथा शिक्षकहरुमा कोभिड १९ को जोखिमबाट बच्न आवश्यक परामर्शहरु गर्दै सामाग्री हस्तान्तरण गरिएको सहयोग नेपालका पदाधिकारीहरुले जनाएका छन् । उनिहरुले विद्यालयका शिक्षक तथा विद्यार्थीहरुलाई कोभिड संक्रमणबाट जोगाउन विद्यालय व्यवस्थापन समितिका पदाधिकारीहरुलाई समेत उपस्थित गराएर ध्यानाकर्शण गरेका थिए ।उनिहरुले झट्टेश्वर , लालिगुराँस, बालज्योती , विर्षेश्वर लगाएतका विद्यदालयहरुमा स्वास्थ्यसामाग्री वितरण गरेको जनाएका छन् ।