कोभिडका कारण कालिञ्चोक गाउँपालिकामा पहिलो पटक ज्यान गुमाउनेको परिवारलाई नगद सहयोग

दोलखा १४
कोरोना महामारीका कारण दोलखाको कालिञ्चोक गाउँपालिकामा पहिलो पटक ज्यान गुमाउने ५० वर्षिया एक पुरुषको परिवारलाई नगद सहयोग गरिएको छ ।
कालिञ्चोक सरोकार समाज नामक संस्थाले कालिञ्चोक ८ का स्व. कुल बहादुर विक की श्रीमतीलाई घरमै पुगेर आर्थिक सहयोग गरेको हो । सरोकार समाजको विपत व्यवस्थापन समितिका संयोजक टेकराज शिवाकोटी र सचिब हरि खतिवडा र सलहाकार गणेश खरेलसहितको टोलीले मृतककी श्रीमती कर्ण कुमारी विक लाई नगद ५ हार ५ रुपैंया सहयोग गरेको समाजले जनाएको छ । कुल बहादुरको झण्डै ३ साता अघि कोरोना संक्रमणका कारण चरिकोटस्थित अस्पतालमा मृत्यु भएको थियो । मृतककी श्रीमती कर्ण कुमारीले थोरै भएपनि सहयोग गरेकोमा समाजप्रति आभार व्यक्त गरेकी छन् । सरोकार समाजले आफ्नो गाउँपालिका भित्र कोभिड संक्रमण नियन्त्रणका लागि अभियाननै चलाएर पिडितहरुलाई सहयोग गर्दै आएको छ । समाजले २ दिन अघि कालिञ्चोक गाउँपालिकाका १३ वटा स्वास्थ्य संस्थाहरुलाई अत्याबश्यक स्वास्थ्य सामाग्रीहरु मास्क सेनिटाइजर , अक्सिमिटर , थर्मल गन लगाएतका सामानहरु वितरण गरिसकेको समाजका सचिब हरि खतिवडाले जानकारी दिए ।