जेठ–२५ दोलखा
मेरो लागि मेरो सहयोग अभियान अन्तर्गत जुँगू विपद व्यवस्थापन कोषले कोरोना महामारी का बेला पनि घर–घरमा पुगेर राहत वितरण गरेको छ ।अभियानले कोरोना भाईरसको कारणले लकडाउनको समयमा अफ्ठेरोमा परेका दोलखाको गौरिशंकर गाउँपालिका वडा नम्बर–१ र २, मा बसोबास गर्ने असहाय, अपाङ्ग, दिर्घरोगि, टुहुरा, एकल महिला तथा साहाराविहिन, व्यक्तिहरु र जुँगूबाट काठमाडौंमा ज्याला मजदुरी गरि बसेर अफ्ठेरोमा परेका व्यक्ति तथा परिवारहरुलाई राहत वितरण गरेको छ ।
अभियानले बुधबार मात्रै जुँगूका १८ घर परिवारलाई करिब एक महिनालाई पुग्ने दाल, चामल,नुन, तेल, लगायतका १० प्रकारका खाद्य्न्ह सामाग्री दुबै वार्ड अध्यक्ष हरुको रोबरमा वितरण गरेको हो । स्थानिय हनुमन्तेश्वर यूवा क्लवको सहकार्यमा पिडितहरुको घर–घरमानै पुगेर राहत वितरण गरिएको अभियानका तदर्थ समितिका संयोजक डिल्लि बराईलीले जानकारी दिनु भयो । गएको आईतबार मात्रै जुँगूकी एक एकल महिलाको काठमाडौं स्थित कोठामानै पुगेर अभियानले एक महिनालाई पुग्ने गरी खाद्यन्ह सामाग्री वितरण गरेको थियो ।
कोभिड १९ को दोस्रो लहरका विचमानै जुँगूका यूवाहरु विच कोरोना भाईरसबाट संक्रमण भएकाहरुलाई सहयोग गर्ने र दिर्घकालिन रुपमा जुँगूबासीहरुमा भैपरी आउन सक्ने सबै प्रकृतिका विपदहरुलाई सहयोग गर्ने उदेश्यका साथ बनेको तदर्थ समितिलाई जुँगूबाट विभिन्न पेशा तथा व्यवसाय गर्ने र विदेशमा रहेका यूवाहरुले सहयोग गरेकाले अभियानलाई थप गर्न पनि संयोजक बराईलीले आग्रह गरे ।
केही साता अघि पनि अभियानकै संयोजनमा स्वास्थ्य मन्त्रालय , निक भुजिकिक हाउजिङ कम्पनि र लाइफस्पट हेल्थकेयर प्रा स् लि को सहयोगमा दुई लाख भन्दा बढीको स्वास्थ्य सामाग्रीहरु कोरोनाबाट संक्रमितको घर–घरमा पु¥याएर सहयोग गरेको थियो ।
