दोलखा ३१ जेठ ,,
लामो समय देखि शिक्षा र स्वास्थ्यको क्षेत्रमा काम गर्दै आएको उज्यालो नेपाल नामक संस्थाले दोलखा र रामेछापका ४ वटा स्थानीयतहहरुमा कोभिड महामारी नियन्त्रणका लागि लाखौंको स्वास्थ्य सामाग्री सहयोग गरेको छ । बढ्दो महामारीका कारण ग्रामिण तहका नागरिकहरुको जनजिवन कष्टकर बनेको भन्दै उज्यालो नेपालले गाउँकै स्वास्थ्य संस्थामा उपचार होस भन्ने उद्देश्यले दोलखा र रामेछापका ४ वटा स्थानीय तहहरुमा अत्याबश्यक स्वास्थ्य सामाग्री सहयोग गरेको हो । संस्थाका कोषाध्यक्ष एवं दोलखाको शैलुङ निबासी समाजसेवी शोनम शेर्पाले तत्काललाई दोखाको शैलुङ गाउँपालिक , मेलुङ गाउँपालिका सहित सहित रामेछापको उमाकुण्ड र दोरम्बा गाउँपालिकामा अत्याबश्यक स्वास्थ्य सामाग्रीहरु वितरण गरिएको बताए ।
उनिहरुले कोभिड महामारीसँग सम्बन्धित स्वास्थ्य सामाग्रीहरु अक्सिजन कन्सन्टेटर ८ थान सेनिटाइजर दुई सय दस लिटर , अक्सिमिटर ४० थान , अक्सिजन क्यानुला मास्क ८ थान ,कोभिड १९ एन्टिजेन्ट किट ६ सय थान र २५ हजार पिस गुणस्तरिय सर्जिकल मास्क ४ वटै गाउँपालिकामा वितरण गरेका छन् । उज्यालो नेपालका अध्यक्ष प्रभाकर महर्जन सहितको टोली आइतबार दोलखा र रामेछापका ४ वटै गाउँपालिकामा पुगेर स्वास्थ्य सामाग्री हस्तान्तरण गरेको छ । उज्यालो नेपालले यसअघि पनि शैलुङ गाउँपालिकामा न्यानो कपडा लगाएतका राहत सामाग्री वितरण गरेको संस्थाका सचिब दोर्जे शेर्पाले जानकारी दिए ।
लामो समय देखि शिक्षा स्वास्थ्य र खानेपानीको क्षेत्रमा काम गर्दै आएको उज्यालो नेपालले कोरोना महामारी नियन्त्रणका लागि ग्रामिण क्षेत्रलाई केन्द्रित गरेको उज्यालोका उपाध्यक्ष सञ्जय लामाले जानकारी दिएका छन् । संस्थाका अध्यक्ष प्रभाकर श्रेष्ठले कोभिड महामारीलाई सबैले मिलेर परास्त गर्नुपर्ने बताएका छन् । उज्यालो नेपाललाई जर्मनस्थित दातृ निकायले लगानी गर्ने गरेको जनाइएको छ ।
