Gaurishankar Post
नेपाल समाचार समाचार

दोलखाका स्थानीय तहको बजेट ४ अर्ब ४५ करोड


धेरैजसोको पुरानै कार्यक्रमलाई निरन्तरता

दोलखा १० असार
दोलखाका नौ वटा स्थानीय तहले आफ्नो नीति,कार्यक्रम सहित आगामी आर्थिक वर्षका लागि ४ अर्ब ४५ करोडको बजेट प्रस्तुत गरेका छन् ।
बिहिबार जिल्लाका सबै स्थानीय तहले आगामी आर्थिक वर्ष २०७८÷०७९को नीति तथा कार्यक्रम सहित ४ अर्ब ४५ करोड १८ लाख बराबरको बजेट सार्बजनिक गरेका छन् । केहीले स्वास्थ्य क्षेत्रलाई प्राथमिकता दिएपनि जिल्लाका अधिकांस स्थानीय तहहरुले भने पुरानै कार्यक्रमलाई निरन्तरता दिएका छन् । जिल्ला सदरमुकाममा रहेको भीमेश्वर नगरपालिकाले बिहिबार ८८ करोड ५९ लाख ५३ हजार ५ सय १८ रुपैंयाको बजेट प्रस्तुत गरेको छ । नगरले पर्यटन,स्वास्थ्य , कृषि ,पुर्वाधार लगाएतका आयोजनाहरुलाई प्राथमिकता दिएको उपमेयर कमला बस्नेतले बताएकी छन् । सबैभन्दा धेरै बजेट विनियोजन गर्ने भीमेश्वर जिल्लाकै पहिलो स्थानीय तह हो ।


त्यस्तै तामाकोसी गाउँपालिकाले ७० करोड ७४ लाख ६४ हजार ४३ रुपैंयाको बजेट प्रस्तुत गरेको छ भने कालिञ्चोक गाउँपालिकाले ६७ करोड ३२ लाख ४४ हजार ३ सय २८ रुपैंयाँको बजेट सार्वजनिक गरेको छ । सडक कालोपत्रे सहित शिक्षा स्वास्थ्य र कृषिलाई प्राथमिकता दिदै बैतेश्वर गाउँपालिकाले ४७ करोड ९१ लाख २८ हजार ७ सय २ रुपैंया बजेट प्रस्तुत गरेको गाउँपालिका अध्यक्ष छबि लामाले जानकारी दिए । त्यसै गरि जिरी नगरपालिकाले पर्यटन क्षेत्रलाई प्राथमिकता दिदै ६० करोड ५९ लाख ६ हजार रुपैंयाको बजेट प्रस्तुत गरेको प्रमुख प्रसाशकिय अधिकृत जगदिशचन्द्र शिवाकोटीले बताएका छन् ।

पुर्वाधार क्षेत्र लाई प्राथमिकता दिदै शैलुङ गाउँपालिकाले ५७ करोड ५६ लाख ७२ हजारको बजेट प्रस्तुत गरेको छ भने विगु गाउँपालिकाले ५० करोड ५८ लाख ४२ हजार २ सय ९१ रुपैंया बराबरको बजेट प्रस्तुत गरेको गाउँपालिका अध्यक्ष युधिष्ठिर खड्काले बताएका छन् । मेलुङ गाउँपालिकाले पनि ४८ करोड ५८ लाख ९३ हजार को बजेट सार्बजनिक गरेको छ भने गौरीशंकर गाउँपालिकाले ५१ करोड ४४ लाख ३८ हजार २ सय १२ रुपैंयाको बजेट प्रस्तुत गरेको गाउँपालिका अध्यक्ष युधिष्ठिर खड्काले बताएका छन् ।
स्थानीय तहहरुले संघिय सरकार प्रदेश सरकार बाट प्राप्त अनुदान , आन्तरिक राजश्व , वित्तिय समानिकरण, शसर्त र पुजिगत लगाएत सबै क्षेत्रको बजेट एकमुष्ट रुपमा प्रस्तुत गरेका छन् ।

याे पढ्न छुटाउनु भयाे की ?

सिंगटी खोलाको विद्युत राष्ट्रिय प्रसारण लाइनमा जोडियो

shyam khatiwada

कालिकोटमा भारतबाट आएकालाई क्वारेन्टिनमा लैजान लागेको टिपर कर्णालीमा खस्यो, ३३ बेपत्ता

sanjeet

कालिञ्चोक गाउँपालिकामा प्रथम अध्यक्ष कप भलिबल प्रतियोगिता सुरु

shyam khatiwada
Gaurishankar Post