Gaurishankar Post
नेपाल समाचार राजनीति

प्रदेशको लगानीमा दोलखाका ६ वटा सडक विस्तार हुँदै , सांसद चौलागाइ भन्छन सडक सहित सिंगो विकासमा खटिएका छौं


श्याम खतिवडा/गौरीशंकरपोष्ट
दोलखा १७ बैशाख

बागमती प्रदेश सरकारको लगानीमा दोलखाका आधा दर्जन सडक विस्तार हुने भएका छन् ।
पुर्वाधार विकास कार्यालय अन्तर्गत दोलखाका ६ वटा सडकहरु आगामी २ वर्षभित्र सम्पन्न हुनेगरि विस्तार हुने भएका हुन् । जिल्लाका मुख्य मुख्य मार्गहरु कुनै कालोपत्रे र कुनै स्तरोन्नती हुने भएपछि जिल्लाबासीहरुमा उत्साहा छाएको छ । दोलखाको मुख्य पर्यटकिय गन्तब्य कालिञ्चोक मन्दिर प्रबेश गर्ने सडकदेखि शैलुङ पुग्ने मार्ग समेत निर्माणको काम अघि बढेको सिन्धुपाल्चोकस्थित पुर्वाधार विकास कार्यालयले जनाएको छ । कार्यालयका प्रमुख डिभिजन इन्जिनियर राजु श्रेष्ठले गत आर्थिक वर्षमा काम सुरु भएका ३ वटा र चालु आर्थिक वर्षबाट सुरु गर्ने गरि ३ वटा सडक निर्माणको प्रकृया थालनी भएको जानकारी दिए । उनका अनुसार अघिल्ला वर्ष सुरु भएका ३ वटा सडकहरुमध्ये शैलुङ प्रबेश गर्ने मुडे बाघखोर कालापानी सडकमा कालोपत्रे गर्ने काम सुरु हुन लागेको छ भने सिद्धाको थान जुँगु झ्याँकु सडकमा स्तरोन्नतीको काम भैरहेको छ । त्यस्तै दोलखाको दक्षीणी क्षेत्रको मुख्य मार्ग सितली मेलुङ माने बुद्धचोक सडकपनी प्रदेशकै लगानीमा निर्माणाधिन छ ।
पुर्वाधार विकास कार्यालयका सुचना अधिकारी इन्जिनियर रबिन खातीले ३ वटै सडकको प्रगति सन्तोषजनक रहेको बताउदै तोकिएकै अवधिभीत्र सम्पन्न हुनेमा आफुहरु विस्वस्त रहेको जानकारी दिएका छन् । इन्जिनियर खातीले यसअघि दोलखाका ४ वटा सडक आयोजनाहरुको कालोपत्रे तथा स्तरोन्नती गर्ने काम सम्पन्न भैसकेको जनाएका छन् । लामोसाँघु जिरी सडकखण्डको मकैबारी खण्डबाट देउराली बजार हुँदै सुस्पा क्षेमावतीको पानीघाट सम्मको सडक विस्तार सम्पन्न भैसकेको छ । त्यस्तै जिल्लाको उत्तरी क्षेत्र अन्तर्गत सुरी मुलाबारी गुरुम्फी सडक र दक्षीणको जिरी ठोसे शिवालय सडक पनि कालोपत्रेकोे काम सम्पन्न भैसकेको कार्यालयले जनाएको छ । माली शैलुङ चेर्दुङ सुरी सडक समेत निर्माण पुरा भएको जनाइएको छ ।
चालु आर्थिक वर्ष ३ सडक निर्माण सुरु हुने
बागमती प्रदेशको लगानीमा चालु आर्थिक वर्ष भित्रै जिल्लाका ३ वटा मुख्य सडक विस्तारको प्रकृया सुरु भएको कार्यालयका डिभिजन प्रमुख राजु श्रेष्ठले सुनाए । उनका अनुसार कालिञ्चोक मन्दिर प्रवेश गर्ने देउराली कुरी खण्ड , वैतेश्वर र गौरीशंकर जोड्ने नाम्दु मार्बु क्षेत्रपा सडक र सिंगटी लादुक बुलुङ सडक निर्माणका लागि प्रकृया सुरु भैसकेको छ । श्रेष्ठले अबको केही समयभित्रै ठेक्का सम्झौता भएर यो आव भित्रै भौतिक काम सुरु हुनेगरि तयारी थालिएको जानकारी दिएका छन् ।
सबै सडक आयोजना बुहवर्षिय
पुर्वाधार विकास कार्यालय अन्तर्गत दोलखामा सञ्चालनमा रहेका ६ वटै सडक आयोजनाहरु बहुवर्षिय ठेक्का प्रणाली अन्तर्गत अघि बढाइएको छ । बागमती प्रदेशको भौतिक पुर्वाधार विकास मन्त्रालय अन्तर्गतको यातायात पुर्वाधार निर्देशनालयले एकै वर्ष पुरै बजेट व्यवस्थापनको कठिनाई हुने भन्दै कार्यविधि नै बनाएर बहुवर्षिय आयोजनाका रुपमा अघि बढाएको हो । आयोजना सम्पन्न नहुन्जेल क्रमागत रुपमा बजेट व्यवस्था गरि कार्य सम्पादन गर्ने तयारी मन्त्रालयको रहेको कार्यालयले जनाएको छ । तोकिएका सबै आयोजना सम्पन्न हुँदा झण्डै १ अर्ब बजेट खर्च हुने अनुमान गरिएको कार्यालय प्रमुख श्रेष्ठको भनाई छ ।
सडक सहित समग्र विकासमा खटिएका छौं ः सांसद चौलागाई
दोलखा प्रदेश सभा ख का सांसद पशुपति चौलागाइले सडकलाई पहिलो प्राथमिकता दिदै अघि बढेको र अन्य दर्जनौं विषयमा केन्द्रित रहेर आफुहरु जिल्लाको विकासमा खटिएको जानकारी दिए । सांसद चौलागाइले शिक्षा , स्वास्थ्य , खानेपानी ,कृषि, विज्ञान जस्ता क्षेत्रको विकासका निम्ती प्रदेश सरकारले दोलखामा उल्लेखनीय काम गरेको जनाएका छन् । कोल्ड स्टोर , विद्यालय नर्स कार्यक्रम , साइन्स पार्क , लिफ्ट इरिगेसन, पर्यटनसँग सम्बन्धि थुप्रै कामजस्ता दर्जनौं परियोजनाहरु सञ्चालनमा रहिरहेको जनाउदै सांसद चौलागाइले दोलखामा संघियता पछि आम नागरिकहरुमा प्रदेश सरकारको गर्भिलो अनुभुती दिलाउन सफल भैइएको जिकिर गरेका छन् ।
फोटो
१, प्रदेश सरकारको लगानीमा कालोपत्रे सम्पन्न भएको जिरी ठोसे शिवालय सडक
२, दोलखा प्रदेश ख का सांसद पशुपती चौलागाई ।

याे पढ्न छुटाउनु भयाे की ?

जिपी कोईराला फाउन्डेसन अमेरीकाका अध्यक्ष घिमीरे न्युयोर्कमा सम्मानित

shyam khatiwada

दोलखाका मुख्य दलले टुंग्याए उम्मेद्वार,यी हुन सिफारिसमा परेका नेता

shyam khatiwada

महावाणिज्य दुत कार्कीलाई युरोपियन विश्वविद्यालयको मानार्थ विद्यावारिधी

shyam khatiwada
Gaurishankar Post