Gaurishankar Post
Image default
वाग्मती शिक्षा समाचार सुचना प्रविधि

सुबिसुको क्लियर टिभिमा विद्यार्थीहरुलाई अनलाइन कक्षा

दोलखा ६ असार
कोरोना भाइरसका कारण मुलुक लकडाउन भएपछि शैक्षिक संस्थाहरुमा अध्ययनरथ लाखौं विद्यार्थीहरुको पठनपाठन रोकिएपछि सुबिसुको क्लियर टिभिले अनलाइन कक्षा सुरु गरेको छ । बन्दाबन्दीको सन्त्रासका कारण सिंगो मुलुक लकडाउन भइरहेको बेला शैक्षिक क्षेत्रमा पर्न गएको असर र बिद्यार्थि एवम अभिभावकहरू प्रति मध्यनजर गर्दै नेपालको एक अग्रणी केबल टेलिभिजन, इन्टरनेट र नेटवर्क सेवाप्रदायक कम्पनी सुबिसु ले यस बिषम परिस्थितिमा बिद्यार्थी बर्गहरुको पठन पाठनमा अबरोध नहोस् भनी क्लियर टिभी सेवामा ई–कक्षा प्रसारण सुरु गरेको हो ।
बिशेष गरी बिद्यार्थिहरूमाझ पर्न गएको अध्यापनको असरलाइ मध्यनजर गर्दै सो इन्टरनेट कम्पनीले यस्तो सेवा अघि बढाएको सुबिसुले जनाएको छ । उक्त सेवा क्लियर टिभीको २९३ नं च्यानलमा प्रसारित रहदै आएको चरिकोटस्थित सुबिसुकी ब्रान्च मेनेजर तुलसी मानन्धरले जानकारी दिइन् । उनका अनुसार कक्षा ४ देखि १० सम्मका बिद्यार्थीलाई यस्तो समयमा उपयोगीमुलक शैक्षिक सेवा दिनका निम्ति डियर वाल्क इन्स्टिच्युट अफ टेक्नोलोजीले तयार पारेको शैक्षिक सामाग्राीलाई समाबेश गरी च्यानलको प्रसारण सुरु गरिएको हो ।

विज्ञान, समाजिक शिक्षा, अंग्रेजी, गणित र नेपालीको पाठ्यक्रम समावेश गरिएको यस ई–कक्षा सोमबारदेखि शुक्रबारसम्म बिहानको ११ बजेदेखि सुरु हुनेछ । बिद्यार्थीबर्गका निम्ति यो कार्यक्रम निकै नै लाभदायक रहने विश्वास लिइएको छ । थप जानकारी ग्राहकबर्गहरुले क्लियर टिभीको २९३ नं च्यानलमा प्राप्त गर्न मेनेजर मानन्धरले आग्रह गरेकी छन् ।

याे पनि हेर्नुहोस

शैलुङका जनप्रतिनिधिको ४० लाख पारिश्रमिक विपत तथा कोरोना कोषमा

shyam khatiwada

दोलखामा स्थानीय तहको पहिलो सुरुवात ,समपुरक कोष बनाएर सडक कालोपत्रे

shyam khatiwada

पशुपतिडाँडा पिएचसी सडकको काम धमाधम सुरु , मौसम उपयुक्त भए तत्काल कालोपत्रे हुने

shyam khatiwada
गाैरीशंकर पाेष्ट
Online News Portal